1Ërei ngatu David oyemongeta körai: “Güɨramoiño Saúl cheyukata, tatekuarai filisteo reta iɨvɨ kotɨ, agüɨye vaerä ma chereeka Saúl kuae ɨvɨ Israel pe, jökorai taasayepe Saúl ipo güi.”
2David jare seisciento kuimbae jupiegua reta ndive yogüɨraja Aquis, Maoc taɨ mburuvicha guasu Gat pegua pɨri.
3Jare David oiko Gat pe Aquis pɨri, jae jare jupiegua kuimbae reta jo pegua ndive ndive, David güɨraja mókoi reve jembireko: Ahinoam, Jezreel pegua jare Abigail, Nabal amɨri Carmel pegua jembirekogüe.
4Jare Saúl oikuaa David otekuarai yepe Gat kotɨ vae; kuae jaɨkue rupi mbaetɨ ye ma oeka.
5Jare David jei Aquis pe:
—Ndepɨakatu ko remae cheré yave, emee cheve kia nunga tëta pe aiko vaerä, echa che nderembiokuai mbaetɨ ikavi aiko vaerä, kuae tëta pe nde reporookuaía pe.
6Jókuae ara voi Aquis omee chupe tëta guasu Siclag. Jáeramo Siclag ou opɨta Judá pegua mburuvicha reta ipo pe añave regua.
7Jare David oiko filisteo reta iɨvɨ pe metei año jare irundɨ yasɨ.
8Jare David oë jupiegua kuimbae reta ndive oporepeña jókuae ɨvɨ pe filisteo reta yogüɨreko vae re, jae ko tëta Gesur, Gezer jare Amalec iñemuña reta, Telaim güive Shur rape kotɨ jare Egipto kotɨ.
9David oporepeña avei jókuae ɨvɨ pegua reta re, jare opa oyuka kuimbae jare kuña, jare güɨraja reta joko güi vecha, guaka, mburika, camello, güɨraja vi temimonde reta. Jökorai ou ye yepi Aquis pɨri.
10Jare Aquis oparandu David pe: “¿Kia nunga tëta pe pa reike remaepɨ̈ro añave?” Jare David jei: “Israel iñemuña reta jëta Neguev Judá pegua pe”, ani ámope: “Neguev Jerameel pegua pe”, ani “Neguev ceneo reta pe.” Jei.
11David opaetei oyuka kuimbae jare kuña reta agüɨye vaerä ojo imiari Gat pegua reta pe jei reve: “Kuae David oyapo.” Jökorai avei David oyapo opaete ara oiko ramboeve filisteo reta iɨvɨ pe.
12Jare Aquis güɨrovia katu David, jare oyemongeta jei: “David oñemotareɨuka ma ko jëtaɨgua Israel iñemuña reta pe, jaema ko oiko aveita cherembiokuairä.”
Who We AreWhat We EelieveWhat We Do
2025 by iamachristian.org,Inc All rights reserved.
