1¡Paravete, Sión pe yogüɨreko pɨagüive vae reta!
¡Jare tëta Samaria ɨvɨtɨ re oï vae pe yogüɨreko pɨagüive vae reta,
tenondegua reta, iyemboetea yae tëtaguasu pe vae reta,
kuae reta re ko oyemboya Israel iñemuña reta!
2Pekua pemae tëta Calne pe;
jare joko güi peasa tëta guasu Hamat kotɨ,
jare pegüeyɨ vi tëta Gat filisteo reta jëta kotɨ.
Pemae jókuae mborookuaía reta re,
¿ikavi yae ra pegüi?
¿Iɨvɨ tuicha ra peɨvɨ güi?
3Pe reta mbaetɨ peipota peyemongeta ara ikavimbae re,
ërei jókuae rupi pembojeieteño ikavimbae.
4Peke tupa oñemopöra kavi elefante jäimbukugüe pe vae pe,
jare peyapakua perupa pe;
peu vecha taɨrusu vae japicha reta ipɨte güi jare toro taɨrusu oyemongɨragüe reta güi;
5peyemongoi mimbɨ iyavei,
jare peyapo mimbɨ ambuaeyee vae, David rami;
6peu vino tasa guasu pe,
jare peipichɨ peyé mbae ikäti kavi vae,
¡jare mbaetɨ pepɨatɨtɨ José iñemuña reta isusere re!
7Jáeramo, añave peota tenonde ete, tembipɨɨrä yogüɨraja vae reta jenonde,
outa oväe mbɨatɨtɨ oyerovia katu vae reta pe.
8YandeYa Tumpa jei jee re aeño, yandeYa Tumpa Imbaepuere yae ete vae jei:
“Aröɨro Jacob iñemuña reta ipɨayemboete jare jo kavi reta;
ameeta tëta jare pɨpegua reta jovaicho reta ipo pe.”
9Jare payandepo kuimbae reta opɨta yave metei o pe, opata omano.
10Jare metei tëtara oipɨɨ yave tëogüe güɨnoe vaerä, oapɨta o güi güɨnoe vaerä; jare jeita o jugua kotɨ oï vae pe: “¿Oime ye pa kia oï nde ndive?” Jae jeita: “Mbaetɨ.” Jare jeita chupe: “¡Nekïrii, mbaetɨ yandepuere ñaenɨi yandeYa jee!”
11Echa yandeYa ko jei oyemboai vaerä o tuicha vae jare o michi vae.
12¿Osɨita pa kavayu ɨ̈vavira rupi? ¿Ani oyeara pa güeye pe jokoropi?
¿Maera pa pe reta perokomegua ñejäa jare jupi vae?
13Pe reta peyeroviaiño ma ko, pere yave:
¡Yandembaepuere rupi ko ñanoi kuae!
Mbaeä etei ko.
14Mase, Israel iñemuña reta, yandeYa Tumpa Imbaepuere yae ete vae jei:
“Amopüata pekotɨ metei tëtaguasu oiporarauka peve vaerä, Hamat pe yaikea güive ɨvɨ Arabá kotɨ.”
Who We AreWhat We EelieveWhat We Do
2025 by iamachristian.org,Inc All rights reserved.
