1YandeYa iñee Israel pe mbae oasata vae regua. YandeYa, ara oipɨso vae jare ɨvɨ oyapo vae, jare tekove oyapo kuimbae iyɨvɨte pe vae, jei:
2“Mase, ko che añono Jerusalén vino oporombosavaɨpo vae rami, omboesagüɨrɨta opaete tëta reta Judá iyɨvɨrigua reta, Jerusalén oñova reta yave.
3Jókuae ara che añonota Jerusalén metei ita ipoɨ yae vae rami, opaete tëta reta pe; opaete ovoɨ tëi vae reta opata oyeakɨouka. Opaete tëtaguasu reta ɨvɨ pegua yatɨ yatɨta Jerusalén re,
4ërei che jókuae ara rupi aitɨta kɨɨye opaete kavayu re, jare amombokereta opaete kuimbae kavayu regua; ërei ayangarekota Judá iñemuña reta re, jare opaete tëta reta ikavayu opata amboesaä.
5Jare sundaro ruvicha reta Judá pegua jeita ipɨa pe: ‘Jerusalén pegua reta ipɨ̈rata iYa Tumpa Imbaepuere yae ete vae re.’
6Jókuae ara rupi sundaro ruvicha reta Judá pegua añonota tätapɨi rɨru jendɨ yepea pɨte pe oï vae rami, tatasɨgüe jendɨ vae rami añonota trigo oyeasɨagüe ipɨte pe. Oapɨta opaete tëta reta iyakatu kotɨ jare iyasu kotɨ ñogüɨnoi vae, Jerusalén pe jekuae oime yeta yogüɨreko vae.
7Ërei tenonde, che aepɨta opaete ïru Judá iñemuña reta, agüɨye vaerä David iñemuña jare Jerusalén pegua reta iyemboeteaño oyembotuicha Judá iñemuña reta güi.
8Jókuae ara rupi yandeYa oepɨta Jerusalén pegua; ipɨte pe oime yave kia nunga vae ipɨtu, jókuae ara ipɨ̈rata yaeta David rami; jare David iñemuña reta imbaepuereta Tumpa rami, yandeYa iaraɨgua ojo tenonde vae rami.
9Jare jókuae ara rupi che amboaita opaete tëtaguasu reta oporepeña Jerusalén re vae.
10Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutuJn 19.37; Ap 1.7. vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.
11Jókuae ara Jerusalén pe oimeta mbɨatɨtɨ tuichagüe, ɨvɨtɨ päu Meguido jee vae pe mbɨatɨtɨ tumpa-raanga Hadad-rimón re oyeapo rami.
12Kuae ɨvɨ pegua reta ipɨatɨtɨta, ñemuña ñavo jëtara re: David iñemuña iyé ae, jare ikuña reta iyé ae; jökorai vi Natán iñemuña reta jare ikuña reta,
13Leví iñemuña reta jare ikuña reta; Simei iñemuña reta jare ikuña reta;
14opaete ïru ñemuña reta metei ñavo iyé ae jare ikuña reta vi.
Who We AreWhat We EelieveWhat We Do
2025 by iamachristian.org,Inc All rights reserved.
