1Mburuvicha guasu oñono okovara vaerä iɨvɨ oyeporu vae re iɨvɨ ipo reta pe, jare jókuae regua yemongeta opa omoai opaete ɨvɨ rupi jare ɨguasu rupi.
2Mbaepuere güɨnoi vae rupi, mbaeyekou güɨnoi vae rupi, jare opaete mbae ikavigüe güɨnoi iporokuaía rupi vae regua oime oyekuatía oï mburuvicha guasu Persia pegua jare Media pegua jembikuatía rɨru pe.
3Jare Mardoqueo opɨta ma yave mburuvicha guasu Artajerjes jekovia pe, jaema jae tuichagüe vae oiko mburuvicha iporookuaía pe jare opaete judío reta täta omboete. Jare jae jeko kavi jeko pegua opaetei jókuae ɨvɨ ipo reta pe oyeaɨuuka.]
3aJaema jayave Mardoqueo jei: “Tumpa ko oyapo opaete kuae.
3bJare añave chemaendúa yave aï chepaɨu re, opaete kuae mbaembae reta regua vae. Mbaetɨ etei metei yepe oeya oyeapo mbae vae:
3cJókuae ɨesaɨ michigüe vae ɨsɨrɨrä oyeapo vae, tembipe, kuaraɨ jare jókuae ɨ tuicha vae. Jókuae ɨ jae ko Ester, jae ndive omenda mburuvicha guasu jare oyapo mburuvicha kuñarä.
3dJare jókuae mókoi dragón reta jae ko ore, Amán jare che.
3eJare tëta reta jae ko pea opaetei oyemboatɨ judío reta opa omokañɨtei vaerä vae.
3fJare che cherëta ipo reta jae ko Israel-ɨgua reta, jae reta isapúkai oupi Tumpa kotɨ jare jökorai opa oasayepe reta. Añetete, Tumpa güɨroasayepe jëta ipo reta; Tumpa ko opa yandereroasayepe opaete kuae ikavimbae reta güi, oyapo mɨakañɨ tuicha vae jare oiko, mbae oyeechambae jökorai ïru tëta rupi vae.
3gEcha Tumpa etei ko oyapo jókuae mókoi mbae reta oiko vaerä, metei ko jae, jëta ipo reta peguarä jare ïru ko jae ïru vae tëta reta peguarä.
3hJaema joko güi ou ara, ou hora jare jökorai ou oväe jókuae mókoi mbae reta oiko vaerä, jare Tumpa etei ojäata kuri opaete tëta reta.
3iJare Tumpa imaenduata kuri jëta ipo reta re, Israel re, jae imbae vae reta re, jare oyapo chupe reta jupi vae.
3jJókuae ramo ko Israel-ɨgua reta omboarete yogüɨreko ara catorce jare ara quince Adar iyasɨ re oyomboatɨ vaerä ipɨakatu reve jare oyerovia reve Tumpa jóvai. Jare jökorai oyapo avei reta vaerä, kuri oikota vae reta reve, Israel pe, jae ko Tumpa jëta ipo reta vae.”
3kIrundɨa añoa ma Tolomeo oiko mburuvicha guasurä Cleopatra ndive yave, jare Dositeo jei, jae ko jae Leví iñemuña pegua sacerdote vae, jare taɨ Tolomeo, jae reta ko güeru kuae tembikuatía añave yae ñaï vae regua vae. Jaema jae reta ko jei jae ete ko vae, jae ko Lisímaco oipoepɨ ïru ñee pe vae, jókuae jae vi ko Tolomeo taɨ, Jerusalén pe oiko vae.
Who We AreWhat We EelieveWhat We Do
2025 by iamachristian.org,Inc All rights reserved.
