1Kuaekuae jaɨkue rupi David omoamɨri filisteo reta jare yogüɨreko David jeia re, jare opɨ̈ro chugüi reta Meteg-ama.
2Omoamɨri vi Moab pegua reta, jare ojäa tɨmasa pe, omboyapakua reve ɨvɨ re; ojäa mókoi tɨmasa pe omano reta vaerä jare mboapɨa tɨmasa ojäa vae oikoveño reta vaerä. Jökorai Moab pegua reta opa opɨta David jeia re, ombaemboepɨ reta chupe.
3David omoamɨri vi Hadad-ezer mburuvicha guasu Soba pegua, jae ko Rehob taɨ; Hadad-ezer ojo tëi opɨ̈ro ye iɨvɨ ɨ̈aka Éufrates kotɨ oï vae yave.
4Chugüi reta David oipɨɨ mil seteciento kuimbae kavayu regua, jare veinte mil kuimbae ɨvɨ rupigua; jare opaete kavayu reta käretou ñeraro pegua regua opa oitɨmaka rakɨo, jaeño omoembɨre cien käretou peguarä.
5Jare yogüeru Siriaɨgua Damasco güi omborɨ vaerä Hadad-ezer, mburuvicha guasu Soba pegua; ërei David oyuka Siriaɨgua reta, veintidó mil kuimbae.
6Javoi David oñono isundaro reta Damasco pe Siria pe, jare Siriaɨgua reta opa opɨta David jembiokuairä, ombaemboepɨ reta chupe. YandeYa omee David pe, oporomoamɨri vaerä oipota rupi ojoa rupi.
7David opa opɨ̈ro yeopiaka reta oro pegua, Hadad-ezer isundaro ruvicha reta imbae, jare opa güɨraja Jerusalén pe.
8Jare opɨ̈ro vi jeta jiero iyu vae, tëta Beta jare Berotai pe, kuae tëta reta jae vi ko Hadad-ezer imbae.
9Toi mburuvicha guasu Hamat pegua, oendu David opa omoamɨri Hadad-ezer isundaro reta yave,
10omondo taɨ Joram mburuvicha guasu David pɨri, jei vaerä ñee kavi chupe, oñeraro jare omoamɨri Hadad-ezer ramo, echa Toi jovaicho yepe Hadad-ezer; Joram güɨraja mbaembae korepoti pegua, oro pegua jare jiero iyu vae pegua.
11Jare David omee vi jókuae korepoti jare oro yandeYa peguarä, ïru korepoti jare oro reta ketɨ ketɨ güi, tëtaguasu reta omoamɨrigüe kotɨ güi güeru vae ndive oñemee rami:
12Siriaɨgua reta güi, Moab iñemuña reta güi, Amón iñemuña reta güi, filisteo reta güi, Amalec iñemuña reta güi jare mburuvicha guasu Hadad-ezer Soba pegua, jae ko Rehob taɨ güi opa mbaembae opɨ̈rogüe.
13Jökorai David jërakua yae. Oyerova ye omoamɨri güire Siriaɨgua reta yave, omoamɨri dieciocho mil Edom iñemuña reta ɨvɨtɨ päu ipe kavi Yukɨ Renda pe. itenondeguarä; jare David taɨ reta ñogüɨnoi mburuvicharä.
Who We AreWhat We EelieveWhat We Do
2025 by iamachristian.org,Inc All rights reserved.
