1Jayave Job jei:
2Peyeapɨsaka kavi cheñee re,
jae kuae chembopɨakatu pɨpe vae.
3Pepɨaguasu cheve chemiari ramboeve,
opa chemiari yave, pepuere cheyóyai peipota yave.
4Cheñeapo mbaetɨ ko kia nunga kuimbae ndive;
jáeramo mbaetɨ chepɨaguasu.
5Pemae cheré jare pekɨɨyeta,
jare peyeyuruopɨ pepɨakañɨ güi.
6Che etei vi, chemaendúa jese yave, chemongɨɨye,
jare chemborɨrɨi.
7¿Maera pa iyoa vae reta jekuaeño oikove,
jare indechi pe jekuaeño täta?
8Oecha okuakuaa taɨ reta jare jɨmɨmino reta,
jare yogüɨreko pɨagüive iyɨpɨ rupi.
9Jo pegua reta mbaetɨ maratu yogüɨreko,
mbaetɨ Tumpa oiporarauka chupe reta.
10Jɨmba reta oñemuña chupe,
iguaka reta mbaetɨ imembɨ okua.
11Imichia reta osɨi oyuvanga vecha kuimbae raɨ reta rami,
12oyerovia güi opɨrae reta,
arpa jare tambora raɨ ipu rupi.
13Omboasa reta ara yogüɨreko kavi reve,
omano pɨagüive reta.
14Jei reta Tumpa pe: “¡Esɨrɨ katu oregüi
mbaetɨ roipota roikuaa ndeporookuai!
15¿Kia pa jókuae Imbaepuere yae ete vae romboete vaerä?
¿Mbae pa omeeta oreve royerure chupe yave?”
16Mase, jeko pɨ̈chɨi vae reta
mbaembae güɨnoi vae, jae reta imbaeä ko.
¡Mombɨrɨ toï chegüi kuae nunga yemongeta!
17¿Kërai yave pa ogüe jeko pɨ̈chɨi vae jembipe?
¿Kërai yave pa jae reta osusere?
¿Yerae pa Tumpa iyarasɨ ikotɨ reta,
jare oiporarauka chupe reta?
18Jae reta kapii ramiño ko ɨvɨtu güɨroveve,
ani mbae javiyugüe rami ɨvɨtuai opa güɨraja.
19Tumpa ko oiporaraukata ñemuña reta pe,
tu reta jeko kavimbae re,
ërei jeko pɨ̈chɨi vae etei ko oiporarata jeko re,
oikuaa reta vaerä.
20Jae toecha oyavɨgüe,
jare toiporara Imbaepuere yae ete vae iyarasɨ.
21Echa, ¿oyerovia yeta pa jo pegua reta ndive omano yave,
ani iara reta iyapɨ ma yave?
22¿Ipuere yera kia Tumpa omboarakuaa,
jae ojäa araɨgua reta vae?
23Oime amogüe reta omano,
ipɨ̈rata reve, oyerovia reve jare oiko pɨagüive reve,
24oiko kavi reve jare oikovekatu reve.
25Ïru vae oikoasɨ katu reve omano,
mbaetɨ etei oyerovia jekove pe.
26Oyovake yogüɨrajata oputuu tɨvɨa pe,
jare taso reta opata jou.
27Mase, che aikuaa katu peyemongeta chekotɨ vae,
jare ikavimbae peyapo vaerä penoi vae.
28Echa pere: “¿Ketɨ pa opɨta oï mburuvicha jo?
¿Ketɨ pa oime jókuae mburuvicha iyoa vae reta oikoa?”
29¿Mbaetɨ pa pemiari oguata vae reta ndive?
¿Mbaetɨ pa peendu jae reta jei:
30“Tumpa iyarasɨ yave ombou mbaesusere,
jare jeko pɨ̈chɨi vae mbaetɨ maratu oiko”?
31Mbaetɨ etei kia mbae jei chupe jova pe,
mbaetɨ kia oiporarauka chupe.
32-33Omano yave oyereraja tɨvɨa pe,
jenonde jare jaɨkue jeta yogüɨraja vae, jare jɨvɨa oäro vae.
Ɨvɨ ave ipɨu kavi chupe.
34¡Maera pa chembopɨakatu raangaiño!
¡Peapu opaete jókuae pere vae rupi!
Who We AreWhat We EelieveWhat We Do
2025 by iamachristian.org,Inc All rights reserved.
