1Kuae jaɨkue rupi, David omoamɨri filisteo reta, omomichi jare opɨ̈ro chugüi reta tëta guasu Gat jare iyɨvɨrigua tëta raɨ reta.
2Omoamɨri vi Moab, jare Moab-ɨgua reta yogüɨreko David jeia re ombaemboepɨ reve chupe.
3David omoamɨri vi Hadad-ezer, mburuvicha guasu Soba pegua, Hamat re katu oï vae, jae ojo tëi opɨ̈ro vaerä ɨvɨ oï ɨ̈aka Éufrates pe yave.
4David opɨ̈ro chugüi reta mil käretou ñeraro pegua jare siete mil sundaro kavayu regua jare veinte mil ɨvɨ rupigua; jare vi kavayu reta käretou omoata vae opa oitɨmaka rakɨo, jaeño omoembɨre cien käretou omoata vaerä.
5Jare yogüeru Siriaɨgua Damasco güi omborɨ reta vaerä Hadad-ezer, mburuvicha guasu Soba pegua, ërei David opa omoamɨri Siriaɨgua reta, oyuka veintidó mil kuimbae reta.
6Javoi David oñono isundaro reta omae vaerä Siriaɨgua reta Damasco pe yogüɨreko vae re jare yogüɨreko reta David jeia re ombaemboepɨ reta reve. Jökorai yandeYa omee David pe oporomoamɨri vaerä kerupi ojoa rupi.
7David opɨ̈ro vi yeopiaka reta oro pegua Hadad-ezer iyɨvɨrigua reta jembiporu, jare güeru Jerusalén pe.
8Opɨ̈ro vi tëta Tibhat jare Cun, Hadad-ezer jëta guasu reta güi güeru jeta yeyé jiero iyu vae, chugüi Salomón oyapo ɨrɨru tuicha vae, okɨta reta jare tembiporu reta tupao peguarä.
9Toi mburuvicha guasu Hamat pegua oikuaa David omoamɨri Hadad-ezer mburuvicha guasu Soba pegua isundaro reta yave,
10omondo taɨ Adoram jeta tembiporu oro pegua ndive, korepoti pegua jare jiero iyu vae pegua ndive, oyapo vaerä David pe maraetei jare jei vaerä ñee kavi chupe, oñoraro Hadad-ezer ndive vae re jare omoamɨri vae re, echa Toi yepe Hadad-ezer jovaicho vi.
11Opaete kuae mbaembae reta David omee yandeYa pe, oro jare korepoti opɨ̈ro tëtaguasu reta Edom, Moab, Amón iñemuña reta, filisteo reta jare Amalec reta güi vae ndive.
12Jaeramiño vi Abisai, Sarvia imembɨraɨe omoamɨri dieciocho mil Edom-ɨgua ɨvɨtɨ päu ipe kavi Yukɨ Renda pe.Sal 60.
13Jare oñono sundaro reta omae vaerä Edom pe, jare opaete Edom-ɨgua reta yogüɨreko jae jeia re; jare yandeYa omee David pe oporomoamɨri vaerä kerupi ojoa rupi.
David isundaro ruvicha reta(2 S 8.15-18; 20.23-26)14David oiko mburuvicharä opaete Israel re, oyapo reve jupi vae jare sɨmbi vae opaete vae reta pe.
15Jare Joab Sarvia imembɨraɨe jae sundaro reta itenondegua ete, jare Josafat, Ahilud taɨ, jae mburuvicha guasu pe ombaekuatía vae.
16Sadoc, Ahitob taɨ jare Abimelec, Abiatar taɨ, jae ko sacerdote reta, jare Savsa, jae omoapɨta opaete mbaembae reta oasa vae,
17jare Benaía, Joiada taɨ, ipo pe ñogüɨnoi cereteo reta jare peleteo reta. Jare mburuvicha guasu David taɨ reta ñogüɨnoi mburuvicharä jae iyɨpɨ pe.
Who We AreWhat We EelieveWhat We Do
2025 by iamachristian.org,Inc All rights reserved.
