EZEQUIEL 29 - Guarani Bible with DC

Egipto maratuta vae regua

1Payandepoa año pe, payandepoa yasɨ re, doce araa pe, yandeYa jei cheve:

2“Nde kuimbae, emae añave mburuvicha guasu Faraón Egipto pegua kotɨ, emoërakua ikotɨ maratuta oasata vae jare opaete Egipto pegua reta kotɨ.

7Oyepɨɨ reta tëi peré yave,

täkuarasɨ opë ngatu vae rami pembopere reta,

oyeko reta tëi peré yave,

täkuarasɨ opë ngatu vae rami peitɨuka reta.

8Jáeramo, cheYa Tumpa jei körai: Ambouta ñeraro ndeve, jare opata amokañɨtei kuimbae reta jare mɨmba reta ndegüi.

9Ɨvɨ Egipto opɨtata ipombae, jare chekuaa retata che ko jae Tumpa vae. Echa rere: Ɨ̈aka Nilo chembae ko, che ko ayapo cheyeupe.

10Jáeramo, che ayovaicho ndekotɨ jare neɨ̈aka re, amboaita ɨvɨ Egipto, aeyata ipombae Migdol güive Sevene pe jare Etiopía jembeɨ rupi.

11Mbaetɨta kia yepe ani mɨmba reta yepe oasa jokoropi. Cuarenta año rupi mbaetɨta kia oiko joko pe.

12Jare tëtaguasu Egipto amboaiasɨ katu yaeta, ïru tëtaguasu reta opa oyemboai vae güi; jëta guasu reta oyemboaita oiko cuarenta año rupi, Egipto pegua reta amoai moaita jëta güi ïru tëtaguasu reta rupi.

13Echa, che ndeYa Tumpa jae körai: Cuarenta año oasa yave, amboatɨ yeta Egipto pegua reta opa oñemoai moaia kotɨ güi.

14Tembɨpɨɨrä Egiptoɨgua yogüɨreko vae reta aru yeta oñemoëta Patros pe, jae reta jëta ae pe, joko pe yogüɨreko yeta, ërei mbaetɨta ma imbaepuere tenonde rami.

15Michi yaeta ïru tëtaguasu reta güi, ngaraa ye ma güɨnoi mbaepuere ïru tëtaguasu reta re; echa che amomichita agüɨye vaerä ma güɨnoi mbaepuere ïru tëtaguasu reta re.

16Israel pegua reta ngaraa ye ma oyeko Egipto pegua reta re, echa oecha retata oyavɨ reta yepe yogüɨraja yave oiporu yemborɨ Egipto pegua reta pe. Jayave chekuaa retata che ko jae peYa Tumpa vae.’ ”

17Veintisiete añoa pe, tenondegua yasɨ re, tenondegua araa pe yandeYa jei cheve:

18“Nde kuimbae, Nabucodonosor mburuvicha guasu Babilonia pegua, täta omombaravɨkɨ isundaro reta opɨ̈ro vaerä Tiro, opa iyatiɨ oyepiro reta, jare ia oyeavoo chugüi reta, ërei jae ave ani isundaro reta ave mbaetɨ mbae oekɨ iyeupeguarä.

19Jáeramo, che Tumpa jae körai: Nabucodonosor mburuvicha guasu Babilonia pegua pe ameeta ɨvɨ Egipto, opɨ̈rota chugüi imbaeyekou reta jare opaete mbae güɨnoi vae; jókuae opɨ̈rogüe pe omboepɨta isundaro reta pe.

20Jeta oparavɨkɨ Tiro re jeko pegua, amee chupe kuae ɨvɨ Egipto, echa cheve ko oparavɨkɨ. Che Tumpa jae kuae.

21Jókuae ara che amopüa yeta tëtaguasu Israel imbaepuere, jare nde Ezequiel nemiarita chupe reta. Jare oikuaa retata che ko jae peYa vae.”