EZEQUIEL 10 - Guarani Bible with DC

YandeYa iyemboetea oeya tupao

1Javoi aecha jókuae araɨgua querubín reta iárambo oasavía pe oyekuaa metei mburuvicha iguapɨaecha vae, ita zafiro

Jare cherovakei oike jókuae kuimbae.

3Kuae kuimbae oike yave, araɨgua querubín reta ñogüɨnoi arayevɨ kotɨ tupao güi; jare amapɨtu tɨnɨe tupao joka japɨpegua.

4Jayave yandeYa iyemboetea oyemboɨvate araɨgua querubín reta iárambo güi, ojo tupao jöke pe; jare amapɨtu tɨnɨe tupao, jare yandeYa iyemboetea jembipegüe oesape oka.Ex 16.10; 24.16; Nm 10.34.

5Araɨgua querubín reta ipepo jɨapu oyeendu oka ikatu pegua pe. Tumpa Imbaepuere yae ete vae imiari oï rami.

6Jayave yandeYa jei jókuae kuimbae jemimonde tïiasɨ lino pegua vae pe oipɨɨ vaerä tata, käretou iruera reta ipäu pe oï vae, araɨgua querubín reta ipäu pe. Jókuae kuimbae ojo oyemboɨ ruera reta ipäu pe.

7-8Jókuae araɨgua querubín reta ipepo igüɨ pe oyekuaa metei kuimbae ipoecha vae. Metei chugüi reta omondo ipo, ipäu reta pe tata oï vae kotɨ, oipɨɨ tata mbovɨ jare oñono jókuae kuimbae jemimonde tïiasɨ lino pegua vae ipo pe; jae oipɨɨ jare ojo.

9Jare aecha irundɨ ruera araɨgua querubín reta iyɨpɨ pe, araɨgua ñavo metei ruera. Ruera reta oyekuaa jembipe, ita crisólito jee vae rami.

10Irundɨ reve ruera reta oyovake päve, jare oyekuaa ruera reta japɨpe ñavo oimeecha ïru ruera.

11Kuae mbae reta oguata yave, irundɨ jova kotɨ ipuere oguata; mbaetɨ oyerova reta ye; metei jova ojoa kotɨ ïru reta yogüɨraja echa jova päve.

12Jare opaete jete, ikupe reta, ipo reta, ipepo reta jare ruera reta güɨnoi jeta jesa.Ez 1.18; Ap 4.8.

13Aendu ruera reta pe osapúkai reta vae: “Ruera.”Ez 1.15-21.

14Metei ñavo güɨnoi irundɨ jova, körai: Tenondegua güɨnoi querubín jova; mokoía güɨnoi kuimbae jova; mboapɨa güɨnoi yaguapope jova; jare irundɨa güɨnoi güɨraké jova.Ez 1.10; Ap 4.7.

15Jare oyemboɨvate ɨvɨ güi jókuae mbae reta; jae ko kuae reta che aecha ɨ̈aka QuebarEz 1.1-3. jembeɨ pe vae.

16Jókuae mbae reta oguata yave, ruera reta oguata vi jae reta ndive, jare ipepo reta omopüa yave oyemboɨvate vaerä ɨvɨ güi, ruera reta mbaetɨ osɨrɨ chugüi reta.

17Opɨta reta yave ruera reta opɨta vi, oyemboɨvate reta yave ruera reta oyemboɨvate vi, echa jókuae mbae reta jekove oï jese reta.

18Jayave yandeYa iyemboetea oyemboɨvate tupao jöke güi, jare ojo opɨta jókuae mbae reta iárambo.

19Jókuae mbae reta omopüa ipepo jare oyemboɨvate reta ɨvɨ güi. Che aecha kërai oyemboɨvate reta ɨvɨ güi ruera reta ndive, jare opɨta reta tupao jöke pe, kuaraɨ oëa kotɨ. Israel iTumpa iyemboetea oï jae reta iárambo.

20Kuae reta etei ko aecha Israel iTumpa igüɨ pe, ɨ̈aka Quebar jee vae jembeɨ pe. Jayave aikuaa mbae reta ko vae.

21Metei ñavo güɨnoi irundɨ jova, metei ñavo güɨnoi irundɨ ipepo, jare kuimbae ipoecha vae ipepo ñavo igüɨ pe.

22Jova reta, ɨ̈aka Quebar jee vae jembeɨ pe aecha vae rami etei; metei ñavo oguata reta jenonde kotɨ.