1YandeYa jei Josué pe:
2“Emomiari Israel iñemuña reta, ere chupe reta: Peiparavo tëta guasu reta ñepɨ̈rokarä,Nm 35.6-32; Dt 4.41-43; 19.1-13. Moisés rupi poyókuai rami.
3Kia nunga vae oyuka yave japicha oyemongetambae reve, ipuere otekuarai jokotɨ oñepɨ̈ro vaerä jókuae omano vae jëtara ipo güi.
4Jare ojo yave oñepɨ̈ro vaerä jókuae tëta guasu pe, tojo jókuae tëta guasu jöke pe, jare timiari oyapogüe re jókuae tëta guasu pegua tenondegua reta pe. Jayave jae reta tomaeño toike jare tomee reta chupe oiko vaerä joko pe.
5Ërei omano vae jëtaragüe oaɨkuemoña yave, jókuae tenondegua reta agüɨye tomee chupe jókuae oporoyuka vae, echa oyemongetambae reve oyuka japicha, mbaetɨ oñomotareɨ jae ndive tenonde yave rupi.
6Jare topɨta jókuae tëta guasu pe oñejäauka regua opaete vae jóvai, jare omano regua jókuae año rupi oiko sacerdote tenondeguarä vae. Jayave jókuae oporoyuka vae ipuere oyerova ye jëta guasu kotɨ jare jo pe, jókuae tëta guasu güi jae otekuarai ojoa pe.”
7Jayave oiparavo reta tëta guasu Cedes, Galilea pe, Neftalí iñemuña reta iɨvɨtɨ guasu re, tëta guasu Siquem, Efraín iñemuña reta iɨvɨtɨ guasu re jare tëta guasu Quiriat-arba (jae ko Hebrón) Judá iñemuña reta iɨvɨtɨ re.
8Jare Jordán jovaicho kotɨ Jericó güi kuaraɨ oëa kotɨ, oiparavo reta tëta guasu Beser, ñuu pe, Rubén iñemuña reta iɨvɨ ipe kavi vae pe; Galaad pe oiparavo reta tëta guasu Ramot, Gad iñemuña reta iɨvɨ pe, jare Basán pe oiparavo reta tëta guasu Golán, Manasés iñemuña reta iɨvɨ pe.
9Kuae ko jae tëta guasu reta oyeparavo opaete Israel iñemuña reta peguarä vae, jare ketɨgua reta yogüɨreko jae reta ipɨte pe vae peguarä, oñepɨ̈ro vaerä joko pe, kia nunga vae oyuka yave japicha oyemongetambae reve, agüɨye vaerä omano jókuae oyuka vae jëtaragüe ipo pe, ndei opaete vae ojäa mbove.
Who We AreWhat We EelieveWhat We Do
2025 by iamachristian.org,Inc All rights reserved.
