ESTER 2 - Guarani Bible with DC

Ester oyeparavo mburuvicha guasu jembirekorä

1Opa güire oasa kuaekuae reta, mburuvicha guasu Asuero iyarasɨ poi ma, jare imaendúa Vasti oyapogüe re jare mborookuai oñemoërakua ikotɨ vae re.

2Jayave iyɨvɨrigua imborɨa reta jei chupe:

—Mburuvicha guasu, toyeeka ndeve kuñatai reta maepöra yae vae, ndeiño etei oasa kuimbae ndive vae.

3Jare eñono kuimbae reta tëta reta ñavo güi, güɨraja vaerä kuñatai reta maepöra yae vae, ndeiño etei oasa kuimbae ndive vae, o kuña reta pegua pe, tëta Susa mburuvicha guasu jëta pe, eunuco Hegai oyangareko mburuvicha guasu ikuña reta re vae ipo pe, jare joko pe toñemee chupe reta oñemopöra vaerä.

4Jare kuñatai re reipota remae vae, toiko nderembirekorä Vasti ipoepɨka pe.

Kuae yemongeta ipöra mburuvicha guasu pe, jare oyapo jökorai.

5Tëta Susa mburuvicha guasu oikoa pe oiko metei kuimbae Judáɨgua Mardoqueo jee vae, Jair taɨ; Jair jae ko Simei taɨ, Simei jae ko Cis taɨ, Cis jae ko Benjamín iñemuña pegua.

6Jae yepe jeta vae Jerusalén güi oyererugüe reta iñemuña, Jeconías mburuvicha guasu Judá Saasgaz, mburuvicha guasu kuña güɨrekoiño vae reta iyangarekoa ipo pe; mbaetɨ yeta ma ou mburuvicha guasu pɨri, ërei mburuvicha guasu oipota yave oekauka yeta jee rupi.

15Ester, Mardoqueo ombokuakuaa tayɨrä vae, itutɨ Abihail amɨri tayɨgüe, ara oväe ma ou vaerä mburuvicha guasu pɨri yave, mbaetɨ ye mbae oiporu, jaeño eunuco Hegai, kuña reta iyangarekoa jei chupe vae; jare opaete vae ipɨakatu omae Ester re.

16Jare güɨraja reta Ester mburuvicha guasu Asuero jo pe payandepoa yasɨ pe, jae ko Tebet yasɨ; Asuero chiu año ma mburuvicha guasurä oiko yave.

17Jare mburuvicha guasu oaɨu yae Ester opaete ïru kuña reta güi, ipɨakatu yae jese opaete ïru kuñatai reta ndeiño etei oasa kuimbae ndive vae güi; jare oñono iñäka re äka-regua mburuvicha pegua, jare oyapo jembirekorä, Vasti ipoepɨka pe.

18Javoi mburuvicha guasu oyapo arete guasu Ester pe, jare oparea opaete mburuvicha reta jare iyɨvɨrigua reta pe, jare tëta reta pe oyekovara mburuvicha peguarä vae ombogüeyɨ chupe reta, jare omee jeta mbota ipɨakatu rupi.

Mardoqueo oendu yemomburu mburuvicha guasu kotɨ

19Jare kuñatai reta ndeiño etei oasa kuimbae ndive vae oyererajauka ye mokoía ma ïru o kuña reta pegua pe yave, Mardoqueo oguapɨ oï mburuvicha guasu jo jöke pe.

20Jare Ester, Mardoqueo oyókuai rami mbaetɨ etei omombeu Judáɨgua ko vae ani jëtara ave; echa Ester oyapo Mardoqueo jeigüe, jese oiko yave oyapose rami.

21Jókuae ara Mardoqueo oguapɨ oï mburuvicha guasu jöke pe yave, oendu Bigtán jare Teres, mókoi eunuco öke iyangarekoa reta pochɨ jare oeka kërai oyuka vaerä mburuvicha guasu Asuero.

22Mardoqueo oikuaa yave kuae, omombeu Ester mburuvicha guasu jembireko pe, jare Ester omombeu yoapɨ ye mburuvicha guasu pe Mardoqueo omombeugüe.

23Jare oyeapo mbarandu kuae regua yave oñeväe añetete yepe; jáeramo mókoi reve jókuae eunuco reta, mburuvicha guasu oeterasauka ɨvɨra oyeatɨka vae re. Jare kuae mbaembae oyeapogüe oyekuatía oï tembikuatía pe, mburuvicha guasu regua oyekuatía oïa pe.