1Agüɨye eyembopɨayerovia ne michia reta ipöragüe ërei iyakɨ reta,
jare agüɨye eyerovia nderaɨ reta jeko kavimbae vae renoi vae re.
2Yepe tijeta reta, agüɨye evɨakatu jese reta,
mbaetɨ Tumpa omboete reta yave.
3Agüɨye erovia oikopuku retata vae,
jare agüɨye erovia opa kavi retata ko vae.
Má ikavi michia oñerambae pea jeta jökorai mbae reta güi;
má ikavi ñamano ñanemichia mbae michia iyurupochɨ vae ñanoi vae güi.
4Metei vae kuimbae iyarakuaa katu vae ombotuicha metei tëtaguasu,
ërei metei atɨ imonda vae reta ipombae ko oeyata.
5Jeta mbae jökorai vae aecha cheresa ae pe,
jare oasa ete pɨ̈chɨi vae re aendu miari.
6Tumpa ombou tata reta iyemboatɨa kotɨ, kuimbae reta jeko kavimbae vae,
jare iyarasɨ tëtaguasu imbaeyoa vae pe.
7Mbaetɨ iñɨ̈ro karamboe imbaepuere vae reta pe,
oñemopüa reta oyandu reta itäta yae yave.
8Jaeramiño vi mbaetɨ iñɨ̈ro Lot ndive oiko vae reta pe,
oñemoakamambu reta tɨnɨe yembotuicha pe.
9Mbaetɨ güɨnoi mboroparareko Canaán re, tëtaguasu ikavimbae vae,
imbaeyoa jeko pegua opa omokañɨ imbaembae reta.
10Jökorai vi oasa seisciento mil vae Israel-ɨgua reta ndive
omano reta iyembotuicha jeko pegua.
11Jare yepe ndipo meteiño jeko kavimbae,
metei mɨakañɨta ko opɨta yave oñenupa mbae.
Tumpa re ko oï mboroparareko jare mbochɨ;
jae omaeño jare iñɨ̈ro, ërei oinupa jeko kavimbae reta.
12Tuicha ete ko iporoparareko rami iporonupa;
jae ojäa ko metei ñavo mbae oyapo rupi.
13Mbaetɨ omaeño otekuarai jeko pɨ̈chɨi vae jembia ndive,
jare mbaetɨ oeya oyeapo mbae jupi vae ipɨapotaa.
14Opaete mbota omee vae, güɨnoita vi ipota,
metei ñavo kërai oyapo rupi.
17Agüɨye ere: “Tañemi Tumpa güi.
¿Kia pa ara pe imaenduata cheré?
Jeta vae reta ipɨte pe ngaraa ipuere chekuaa;
¿kia pa che kuae ɨvɨ tuicha vae pe?”
18Mase, Tumpa oyekuaa yave, opoko orɨrɨi reta
ara ɨvateasɨ oï vae ave, jare ɨguasu jare ɨvɨ.
19Ɨvɨtɨ reta iguapɨka ave jare ɨvɨ iguapɨka reta
okanata kɨɨye güi Tumpa omae jese yave.
20Amogüe reta jei: “Tumpa mbaetɨ omae cheré.
¿Kia pa oyangareko chereko re?
21Cheyoa yave, mbaetɨ kia chereecha,
aporombotavɨ vɨari yave, ¿kia pa oikuaata?
22Metei ikavi vae oyapo yave, ¿kia pa omombeuta Tumpa pe?
¿Mbae ya aärota jókuae ayapo yave?”
23Iyarakuaambae retaño ko köraita oyemongeta;
jökorai oguata yarakuaambae reta.
Tumpa iyarakuaa ombaeapo pegua24¡Peyeapɨsaka cheré jare peikatu peyemboarakuaa!
¡Peyangareko cheñee re!
25Jae pɨagüive kavita ayemongetagüe,
aechaukata yemboetembae reve aikuaagüe.
26Tumpa iyɨpɨ oyapo jembiapo yave,
omee chupe tekove jare oñono chupe teko kavi,
27omombeu chupe oiko avei vaerä vae metei mborookuai jembiaporä
jare oñono jenda retarä oiko ñomai vaerä.
Jare mbaetɨ oyandu yɨmbɨaɨ jare kangɨ,
jare mbaetɨ oeya oyapombae iparavɨkɨ.
28Metei ave chugüi reta omboavaiä ïru reta,
jare mbaetɨ ete ko oyapoä reta Tumpa iporookuai.
29Joko güi, Tumpa omae ɨvɨ re
jare omotɨnɨe imbaembae pe.
30Omotɨnɨe oipotagüe mbae oikove vae reta pe,
jare ojo pɨau yeta ikotɨ vae.
Who We AreWhat We EelieveWhat We Do
2025 by iamachristian.org,Inc All rights reserved.
