Daniel (dc) 7 - Guarani Bible with DC

Mbaɨu irundɨ mbaeporou reta regua

1Meteia año ma Belsasar oï mburuvicha guasurä Babilonia pe yave, Daniel ipaɨu pe oecha mbae jupa pe oï ramboeve. Jare osareko yave oikuatía jókuae ipaɨu regua.

2Jei körai: “Che aecha chepaɨu pe irundɨ ɨvɨtu yavaetegüe oyepeyu vae omomembe ɨguasu.

3Güɨramoiño ɨguasu güi ñogüɨnoe irundɨ mbaeporou tuichagüe, ambuaeyee oyougüi vae.

7Irundɨa mbaeporou oyekuaa cheve vae jae ko yavaete yae, yandemongɨɨye yae jare ipɨ̈rata yae vae. Güɨnoi jäi tuichagüe jiero pegua; oporou yave oporomopüruru jare jembɨregüe re opɨ̈ro. Ambuaeyee yae ïru mbaeporou reta tenonde aecha vae güi, jare iñäka re güɨnoi payandepo jäti.

8Che amae aï ramboeve jókuae jäti reta re, aecha jókuae reta ipäu güi oë ye ïru jäti ma michi vae, jayave oakɨo reta chugüi mboapɨ jäti jókuae taɨkue oë vae jendarä; kuae oime jesa, kuimbae jesa rami jare imiari jeta mbaembae ikavimbae.Tumpa iporojäa iara

9Amaeño aiko,

opa regua oñeñono guapɨa reta mborookuaía pegua,

jare metei Ndechi Tenondegua ete oguapɨ.

Jemimonde tïi iroɨ rami,

jare ia vecharaagüe ikɨambae rami.

Iguapɨa jare iruera reta tata rami.

10Jare tata oë jóvai güi ɨ osɨrɨ rami.

Jeta yae oyeokuai chupe vae,

jare jeta yeyé oyemboɨ ñogüɨnoi jóvai.

Oporojäa vae oguapɨ,

jare tembikuatía reta oyepea.

11Jayave che amae jókuae mbaeporou jäti jeta mbaembae ikavimbae jei vae oyeendu jeko pegua; amae aï oyuka reta regua jókuae mbaeporou jare jete opaetei oyembojaɨ jaɨ, javoi oitɨ reta tata pe opa vaerä ókai.

12Jökoraiño vi ïru mbaeporou reta güi oñepɨ̈ro imbaepuere, ërei oeya retaño oikoveño vaerä, iara oväe chupe reta regua.

13Oimeño amae aï ramboeve:

Aecha ou amapɨtu re

metei kuimbaeecha vae,

kuae ojo jókuae Ndechi Tenondegua ete oïa pe;

jare omboyauka reta jese.

14Jare oñemee chupe mbaepuere, yemboetea jare mborookuaía,

jare opaete ketɨgua tëtaguasu reta

jare ïru ñee pe imiari vae reta oyeokuai chupe.

Imbaepuere jekuae avei ko,

jare iporookuaía ngaraai oyemboai.

15Che Daniel, ayandu akɨɨye yae; jare chemboyemongeta yae opaete jókuae aechagüe,

16aya katu joko pe oyemboɨ ñogüɨnoi vae güi metei re, jare aparandu chupe imiari vaerä cheve opaete jókuae re. Jökorai jae oikuaauka cheve opaete jókuae regua, jei cheve:

17‘Kuae irundɨ mbaeporou reta jae ko irundɨ mburuvicha guasu reta güɨnoita mbaepuere opaete ɨvɨ re vae.

18Ërei jaɨkue rupi kuae mborookuaía oñemeeta Tumpa Tuichagüe yae ete vae pe oñeñono tee vae reta pe, jare jae reta imbaerä oikota jekuae avei pegua.’

19Che aipota tëi aikuaa kavi jókuae irundɨa mbaeporou regua, jókuae ambuaeyee yae ïru reta güi vae, echa yavaete yae ko: Güɨnoi jäi jiero pegua jare ipöape jiero iyu vae pegua; oporou yave oporomopüruru jare jembɨregüe re opɨ̈ro.

20Aipota tëi vi aikuaa kavi jókuae payandepo jäti reta regua jare jäti michi vae, oime jesa güɨnoi vae jare jeta mbaembae ikavimbae jei vae re, echa tuichaecha oyekuaa ïru reta güi, jare mbaeporou mboapɨ jäti opa oyeakɨo chugüi oeya vaerä jókuae jäti michi vae jendarä.

21Jare aecha kuae mbaeporou jäti michi vae oñeraro jare omoamɨri Tumpa pe oñeñono tee vae reta.

Jókuae reta jaɨkue rupi jekuae ïru vae oyeupi yeta mborookuaía pe,

kuae ambuaeyee yaeta tenondegua reta güi,

jare omboaita mboapɨ, jókuae tenondegua mburuvicha reta güi.

25Jeita mbae ikavimbae Tumpa Tuichagüe yae ete vae kotɨ,

jare Tumpa pe oñeñono tee vae reta pe oiporaraukata;

oekata kërai oipoepɨ vaerä Tumpa iporookuai

jare arete reta oyeapo Tumpa pe vae,

jare Tumpa pe oñeñono tee vae reta ñogüɨnoita ipo pe

mboapɨ año y medio rupi.

26Ërei Oporojäa vae oguapɨta oporojäa,

jare opɨ̈rota chugüi imbaepuere

opaetei vaerä oyemboai jare okañɨtei.

27Mborookuaía, mbaepuere jare yemboetea

opaete ɨvɨ pe ñogüɨnoi vae,

oñemeeta oñeñono tee Tuichagüe yae ete vae pe vae reta ipo pe.

Iporookuaía oikota jekuae avei pegua,

opaete ɨvɨ pegua reta oyeokuaita chupe jare yogüɨrekota jae jeia re.’

28Körai opa imiari cheve. Jare che Daniel, cheyemongeta chembopɨaä yae jare cherova iyu yae; ërei mbaetɨ etei kia pe chemiari kuaekuae regua.”