1YandeYa jei: “Jókuae ara tɨvɨa reta güi oñerenoeta mburuvicha guasu reta jare tenondegua reta Judá pegua ikägüegüe, sacerdote reta, ñeemombeúa reta jare Jerusalén pegua reta ikägüegüe,
2jare omoai retata ikatu rupi kuaraɨ pe, yasɨ pe jare opaete yasɨtata jae reta omboetese jare oyeokuaise chupe vae pe. Mbaetɨ eteita kia omonoo oñotɨ vaerä. Oñemoaita ñogüɨnoi ɨvɨ re tepoti rami.
8¿Kërai pa pepuere pere peyeupe: Yandearakuaa yae ko,
oime ñanoi yandeYa iporookuai reta?
¡Ërei mborookuai re oporomboe vae reta güɨrova ko
jókuae mborookuai reta apu pe!
9Ërei jókuae yarakuaa yae vae reta oñemomichita opɨta,
okɨɨye yae retata, mɨmba ñuai pe oï vae rami.
Güɨröɨro reta cheñee yave,
¿ketɨ pa oime oï iyarakuaa?
10Jáeramo, jae reta jembireko ameeta ïru kuimbae reta pe,
jare iko reta ameeta imoamɨría reta ipo pe.
Echa michia güive okuakuaa vae pe,
iyeupeguaräño imbaepotarai yae reta;
ñeemombeúa reta jare sacerdote reta ave,
opaete oporombotavɨ vae reta ko.
11Chembae vae reta ombopɨakatu vaerä jei reta,
opaete mbae jaekavi ko oï,
mbaetɨ tëi ikavi oï reve.
12¡Jae reta imarata tëi ko kuae oyapogüe re,
jókuae che mbaetɨ ma aropɨa vae!
Ërei mbaetɨ, ¡mbaetɨ oikuaa imara vaerä kërai ave yepe!
Jáeramo, aiporarauka chupe reta yave, ïru reta rami
opata oa.
Che ndeYa jae kuae.’ ”
13YandeYa jei:
“Tëta chembae vae ayasɨata trigo opa oyeasɨa rami.
Ngaraa opɨta uva ave uva jäka re,
ɨva ave mbaetɨta ɨva jäka re.
Jaeño opɨtata joo ipirugüe.”
14Opaete vae reta jeita:
“¿Maera pa yaguapɨño ñaï kuae pe?
¡Yaja opaete vae tëta guasu oñekëse kavía pe,
joko pe opa ñamano!
Echa yandeYa Tumpa yandeyukata;
omee yau ɨ oyemombayachigüe.
Echa yandeyoa ikotɨ.
15Ñaäro tëi mbɨakatu,
ërei mbaetɨ etei mbae nunga
ikavigüe oväe yandeve;
ñaäro tëi yakuera katu yae vaerä,
ërei kɨɨyeño oväe yandeve.
16¡Ou ma tovaicho!
¡Dan peve oyeendu ma ikavayu reta iñäpɨgua omoñee vae!
Ikavayu reta iñee pe, omokana opaete ɨvɨ.
Yogüeru omboai vaerä ɨvɨ jare opaete pɨpegua,
tëta guasu reta jare opaete yogüɨreko pɨpe vae.”
17YandeYa jei:
“Ambouta peve mboi reta imbayachi yae vae,
imbaekuaa vae mbaetɨta ipuere jese reta vae;
jókuae mboi reta pesuuta.”
Jeremías ipɨatɨtɨ Judá jare Jerusalén re18Chepɨatɨtɨ yae jeko pegua,
chepɨa omano.
19Mase, cherëtaɨgua reta jäse
oyeendu opaete kuae ɨvɨ pe körai:
“¿Mbaetɨ ma ra oï yandeYa Sión pe?
¿Mbaetɨ ma ra Juvicha guasu oï joko pe?”
Jare yandeYa Jei:
“¿Maera pa chemboarasɨuka
tumpa-raangarä peñopa kavi peyapo vae rupi,
jókuae tumpa-raanga mbaetɨ mbaerä osirive vae
jare peikuaambae vae rupi?”
20Oasa maetɨ iara, oasa mbaarɨvo,
ërei oreve mbaetɨ mbɨakatu.
21Aiporara yae, cherëtaɨgua reta oiporara ramo;
chembopɨatɨtɨ yae jare akɨɨye yae aï.
22¿Mbaetɨ ra mbae nunga moa yepe Galaad pe?
¿Mbaetɨ ra kia oporopoano vae joko pe?
Jayave, ¿maera pa mbaetɨ okuera cherëtaɨgua reta?
Who We AreWhat We EelieveWhat We Do
2025 by iamachristian.org,Inc All rights reserved.
