1Opaete vae toiko mburuvicha reta jeia re. Echa Tumpa etei ko oñono mburuvicha reta; jare oime oï vae jae oñonogüe ko.
2Jáeramo, kia mbaetɨ oyapo mburuvicha jeigüe vae, oyovaicho ko Tumpa etei oñonogüe kotɨ. Jare kia oyovaicho mburuvicha kotɨ vae reta, oiporarata ko.
3Echa mburuvicha reta mbaetɨ ko ñogüɨnoi omongɨɨye vaerä ikavi vae oyapo vae, ikavimbae vae oyapo vae reta peguarä ko. Jáeramo eyapo ikavi vae, agüɨye vaerä rekɨɨye mburuvicha reta güi. Jare jae reta ndererovia katuta;
4echa mburuvicha reta oyeokuai ko ñogüɨnoi Tumpa pe ndemborɨ vaerä. Ërei reyapo ikavimbae vae yave, ekɨɨye. Echa Tumpa omee chupe reta mbaepuere oiporarauka vaerä. Jáeramo oyeokuai ñogüɨnoi Tumpa pe, oiporarauka vaerä ikavimbae oyapo vae reta pe.
5Jáeramo, peiko tai mburuvicha reta jeia re, agüɨye peyapo oiporaraukata peve güiño, jaeño jupi ko pepɨa pe peyapo vaerä vae ramo.
6Kuae jeko pegua ko pemboepɨ mburuvicha reta okovara vae. Echa jae reta oyeokuai ko ñogüɨnoi Tumpa pe; jókuae apo ñogüɨnoi vae reta.
7Pemee opaete vae pe, pemeeta vae: Mburuvicha peguarä oyekovara vae pe, pemee; mbaemboepɨ oï vae, pemboepɨ; pemboeteta vae, pemboete.
8Agüɨye pepía kia pe ave mbae re. Ërei peyoaɨu. Echa japicha oaɨu vae oyapo ko opaete mborookuai jae vae.
9Echa mborookuai jei körai: “Agüɨye peyuvanga menda re.Ex 20.14; Dt 5.18. Agüɨye peporoyuka.Ex 20.13; Dt 5.17. Agüɨye pemonda.Ex 20.15; Dt 5.19. Agüɨye pemiari peapu reve perapicha kotɨ. Agüɨye pembaepotarai.”Ex 20.17; Dt 5.21. Jare oime vi ïru mborookuai reta. Ërei opaete kuae mborookuai reta körai oñemometei: “Peaɨu perapicha, pe peyeaɨu rami.”Lv 19.18.
10Echa mboroaɨu güɨnoi vae, ngaraa oyapo ikavimbae japicha pe. Jayave, mboroaɨu rupi oyembopo mborookuai.
11Pemae mbae ara pe ma yaiko, jare peikuaa oväe ma ko ara ñaïndaivi vaerä, echa köiño yae ma oï yandemboasa ete vaerä, yaporogüɨrovia ramo yave vae güi,
12Pɨare katu yae ma, köe seri ma. Jáeramo agüɨye mo yayapo pɨtumimbi jembiapo. Yayemonde tembiporu tembipe pegua pe.
13Yaiko kavi, tembipe pe yogüɨreko vae reta rami. Agüɨye yandearete avei jare yasavaɨpo. Agüɨye ñamomora soo jemimbota ani ñanekuña pota ani kuña imbɨa pota yae. Agüɨye yanderovaicho pota jare yandeakatúä ïru vae re.
14Ërei peyemonde etei yandeYa Jesucristo pe.Ef 6.11-17. Agüɨye peñemee pesoo jemimbota pe.
Who We AreWhat We EelieveWhat We Do
2025 by iamachristian.org,Inc All rights reserved.
