JEREMÍAS 33 - Guarani Bible with DC

Jerusalén oï kavi yeta vae regua

1YandeYa jei mokoía ma Jeremías pe, oimeño vɨteri tembipɨɨrä oiko tembipɨɨrɨru joka pe yave; jei chupe:

2“Che ndeYa, ɨvɨ iyapoa, ayapo jare añono kavi jenda pe vae, jae ndeve:

3Eyerure cheve jare aenduta ndeve, amombeuta ndeve mbae tuicha vae jare oñemi oï ndegüi vae, nde reikuaambae vae.

4-5Che ndeYa, Israel iTumpa, amombeu ndeve Jerusalén jare mburuvicha guasu reta jëta Judá pegua regua, jókuae oyemboaita tembiporu ñeraro pegua jare yɨɨ pe oï vae. Ñogüɨnoe oñeraro vaerä jókuae Caldeaɨgua reta oporepeña tëta re vae ndive yave, omano vaeräño ko ñogüɨnoeta. Echa chearasɨ yae jeko pegua ameeta omano reta vaerä, echa kuae tëta güi ayembosɨrɨ, ikavimbae yae vae oyapo reta jeko pegua.

6Ërei aipoano retata, oikovekatuta jare ameeta chupe reta mbɨakatu jare oiko pɨagüive reta vaerä.

7Aru yeta Judá pegua reta jare Israel pegua reta tembipɨɨ güi, jare añono kavi yeta tenonde yave rami.

8Aitɨota opaete mbaeyoa oyapo reta chekotɨ vae güi; cheɨ̈rota chupe reta, opaete ikavimbae oyapo jare oyembopɨapochɨ reta chekotɨ vae re.

9Jare Jerusalén oïta cheve yerovia katurä, mbaemboete jare yemboete pegua opaete tëtaguasu reta ɨvɨ pegua jóvai. Jare jae reta oikuaa che amee opaete mbae ikavi vae Jerusalén pegua reta pe yave, orɨrɨi retata okɨɨye güi.”

10YandeYa jei: “Pe reta pere, kuae ɨvɨ ipombae ko oï vae jare mbaetɨ pɨpe kuimbae ani mɨmba yepe; Jerusalén ikaye ipombae jare tëta guasu reta Judá pegua; mbaetɨ kuimbae ani mɨmba yepe pɨpe pere chupe vae pe,

11oyeendu yeta tairari arete pegua jare yerovia pegua, jare tairari menda pegua jare oyeenduta jei vae: ‘Pemee yasoropai yandeYa Imbaepuere yae ete vae pe, echa jae ipɨakavi jare iporoaɨu opambae ko.’

19YandeYa jei Jeremías pe:

20“Che, ndeYa jae: Mbaetɨ ko kia ipuere oipoepɨ yemongeta ayapo ara jare pɨ̈tu ndive vae, pɨ̈tu jare köe vaerä iora pe kavi,

21jökorai ko mbaetɨ kia ipuere oipoepɨ cheporogüɨrökuavee päve cherembiokuai David ndive ayapo vae, oime avei vaerä taɨ oguapɨ jae iporookuaía pe, jare cheporogüɨrökuavee päve cherembiokuai levita reta jare sacerdote reta ndive vae.

22Jare cherembiokuai David iñemuña reta jare oyeokuai cheve vae levita reta ambojetata, ara re yasɨtata rami jare ɨvɨkuitï ɨguasu jembeɨ rupigua mbaetɨ ipuere opa oyepapa rami.”

23YandeYa jei Jeremías pe:

24“¿Mbaetɨ pa reikuaa amogüe ketɨgua reta kuae pe yogüɨreko vae jei che aröɨro ko mókoi tëtara aiparavo vae, jae ko Israel jare Judá? ¡Jáeramo güɨröɨro reve omae reta chembae vae reta re, jare mbaetɨ ma oipapa tëtaguasu rami!

25Che, ndeYa jae: Che, ayapo yemongeta ara ndive jare pɨ̈tu ndive vae, jare ara jare ɨvɨ oiko aveita cheporookuai rupi.

26Jökorai ngaraa etei aröɨro cherembiokuai Jacob jare David iñemuña reta, ngaraa amaeño oata kia oporookuai vaerä Abraham, Isaac jare Jacob iñemuña reta re vae. Echa che cheporopararekota jese reta jare aru yeta tembipɨɨrä yogüɨrekoa güi.”