1CheYa Tumpa, ndereño ayeko;
¡chereroasayepe opaete chemomburu vae güi!
2¡Chereepɨ, echa jae reta yaguapope rami chemopächa retata,
mbaetɨ reve kia chereepɨ!
3CheYa Tumpa,
¿che ayapo pa jókuae nunga?
¿Aporoyuka pa?
4¿Chevɨa-ïru pe amboyevɨ pa ikavi oyapo cheve vae ikavimbae pe?
¿Apɨ̈ro pa mbae cherovaicho reta güi jupimbae reve?
5Jökorai ko yave, cherovaicho reta tacheraɨkuemoña;
tacherupitɨ jare tachembotɨrɨrɨ ɨvɨ rupi,
tachemboyapayere ɨvɨ rupi.
6¡Epüa, cheYa Tumpa, ndearasɨ reve!
¡Eyemboɨ cherovaicho reta pochɨ vae pe!
Nde ko remee morojäa jupi vae oyeapo vaerä.
¡Eñemoe cheré cheYa!
7Tiyatɨ nderé jeta vae tëtaguasu pegua reta,
eñono jae reta iárambo ndeguapɨa morojäa pegua.
8CheYa nde rejäata tëtaguasu reta;
cheYa Tumpa, chejäa ayapogüe vae rupi.
Chejäa chereko oime rupi.
9¡Topa mo añave jeko kavimbae reta jembiapo,
ërei emomɨ̈rata, jupi yogüɨreko vae reta!
Echa nde, Tumpa jupi vae ko,
reikuaa yemongeta kia iyɨvɨte pe güɨnoi vae.
10Cheyeopiaka, jae ko Tumpa,
güɨroasayepe isɨmbi oiko vae,
11Tumpa ko mburuvicha jupi rupi oporojäa vae,
Tumpa iyarasɨ oï iyoa vae kotɨ ara ñavo.
12Mbaetɨ yave oyepoepɨ jeko kavimbae güi
jae oimbeeta ikɨsepuku;
omoata kavi ma igüɨrapa.
13¡Oñono kavi ma vi tembiporu oporoyuka vae,
uvɨ jendɨ vae!
14Mase, pemae jeko kavimbae re:
Kuña imembɨ oa pota vaeecha,
ikavimbae güɨnoi jɨe pe,
apu oata ma.
15Kɨ̈pe oyoo reta ɨvɨkua;
jare jókuae ɨvɨkua oyoo vae pe yeño oata.
16¡Mbaeyoa oyapogüe oiporarata!
Iporogüɨrekoasɨ katu ko oyevɨta chupe.
17Amboeteta cheYa, echa jae ko jupi vae,
atairarita cheYa jee pe,
cheYa Tuichagüe yae ete vae jee pe.
Who We AreWhat We EelieveWhat We Do
2025 by iamachristian.org,Inc All rights reserved.
