MIQUEAS 3 - Guarani Bible with DC

Mburuvicha reta jupimbae vae regua

1Peyeapɨsaka añave, Israel iñemuña juvicha reta:

Pe ko peï tëi, peikuaa vaerä jupi vae.

2Ërei, pe peröɨro ikavi vae jare peaɨu ikavimbae,

peipire mondoro jare opa peikäo peeya.

3Jökoraiño vi peu chembae vae reta isoo;

pemboi, mɨmba pemboi rami jare ikägüe reta peakɨo;

peyapo soo yapepo peguarä rami.

4Metei ara peenɨita yandeYa, ërei jae ngaraa oendu peve;

oñomita jova pegüi jókuae ara rupi,

teko kavimbae yae peyapo jeko pegua.

5Körai jei yandeYa, ñeemombeúa reta regua:

“Chembae vae reta pe oyavɨuka vae reta jei:

‘Toime mbɨakatu’ jei reta osapúkai omongaru vae reta pe,

ërei mbaetɨ omongaru vae reta pe oeka reta ñeraro.”

6“Jáeramo, ñeemombeúa reta pe pɨ̈tu ramita,

pɨtumimbi ramita mbae re oikuaa vae reta pe.”

Ñeemombeúa reta pe oiketa kuaraɨ;

ara oyembopɨtumimbita chupe reta.

7Jókuae ñeemombeúa reta imarata opɨta,

maratuta vae imombeúa reta jopata;

jare opaete kuae reta kïriita opɨta,

echa Tumpa mbaetɨ omboyevɨ ñee chupe reta.

8Ërei che anoi yandeYa iEspíritu rupi mbaepuere, jupi vae jare mɨ̈rata,

aechauka vaerä Israel iñemuña reta pe ipɨarai jare iyoa.

9Peendu añave kuae, Israel iñemuña juvicha reta,

morojäa peröɨro vae reta,

opaete teko kavi

11Peruvicha reta oporojäa omboepɨuka vɨari iyeupe reve,

sacerdote reta oporomboe okovara reve,

ñeemombeúa reta omoërakua apu korepoti oipɨɨ vaerä;

jare oyeko reta yandeYa re, jei reta reve:

“YandeYa oï yande ndive;

ngaraa maratu yaasa.”

12Jáeramo, Jerusalén tëta guasu ɨvɨtɨ Sión pegua,

pereko pegua opata oyeara ko rami,

opaeteita oikomegua megua,

jare tupao iɨvɨtɨ re okuakuaata ɨvɨra.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help