PROVERBIOS 27 - Guarani Bible with DC

1Agüɨye eyemboete pɨareve peguarä vae re,

echa mbaetɨ reikuaa, mbae ra pɨareve pe oasata vae.

2Ïru vae reta tandemboete,

agüɨye nde aeño eyemboete.

3Ita jare ɨvɨkuitï ipoɨ yae ko,

ërei yarakuaambae iyarasɨ ma ipoɨ yae ete rami ko.

4Arasɨ ikaviä yae ko, arasɨ rai yavaete yae ko,

ërei ñemotareɨ mbaetɨ kia ipuere güɨropɨa.

5Yemboeta oyoova pe etei vae ikaviño ko,

mboroaɨu yandepɨa peño vae güi.

6Yanderaɨu vae yandembopere yave ikaviño ko,

ërei ñanemotareɨ vae yanderaɨu raanga yave mbaetɨ jaekavi.

7Jɨ̈vɨata oï vae, ei re ave güɨröɨro omae,

ërei yɨmbɨaɨ yae oï vae pe, mbae iro vae ave jëe ngatu.

8Güɨra ojo mombɨrɨ jaitɨ güi rami,

jökorai ko mombɨrɨ ojo jëta güi vae.

9Mbae ikäti kavi vae, yandemboyerovia ñaëtu yave,

jökorai ko ikavi yae, vɨa-ïru güi yaendu yemboarakuaa vae.

10Agüɨye eyembosɨrɨ ndevɨa-ïru güi,

ani nderu ivɨa-ïru güi ave.

Agüɨye ekua ndepɨatɨtɨ reï yave,

nderɨkeɨ ani nderɨvɨ jëta pe.

Ñanerëta-ɨpɨ pegua jaekavi ko,

ñanerëtara ete mombɨrɨ oiko vae güi.

11Cheraɨ, ndearakuaa ndeyeupe, jare chemboyerovia yaeta;

jökorai chepuereta amboyevɨ, mbae jei chekotɨ vae reta pe.

12Oyeandu katu reve oiko vae

oecha ikavimbae yave, oñemi chugüi;

ërei yarakua ambae oasaño ojo jare oiporara.

13Ketɨgua omborɨ ipía vaerä vae güi epɨ̈ro jemimonde,

epɨ̈ro chugüi, omborɨ ombopiauka vaerä vae jeko pegua.

14Ndeimboveasɨ iñeeäta reve ivɨa-ïru pe “maiaño pa reï” jei vae,

ivɨa-ïru pe jókuae ñee, mbae jasɨ katu vae jei chupe rami ko.

15Ama okɨ yave o otɨkɨ yae vae rami,

jökorai etei ko kuña iñerarose yae vae.

16Yaipota yayopia yave, ɨvɨtu yaipota tëi yayopia vae rami ko,

ani asaite yaipota tëi yaipɨɨ rami ko.

17Tembiporu jiero pegua oyeimbee japicha jiero pe,

jökorai kuimbae, oñono kavi ivɨa-ïru.

18Iɨvarupa re oyangareko vae, jouta iagüe;

jare iya imbaembae re oyangareko kavi vae, oyereroviaukata iya pe.

19Ɨ pe yanderova oyekuaa rami,

jökorai vi kuimbae reta omae iyé, ïru kuimbae reta pe jeko rupi.

20Omanogüe reta ñogüɨnoia jare Abadón mbaetɨi ko yangapɨɨ,

jökorai ko kuimbae reta imbaepotarai vae mbaetɨi yangapɨɨ.

21Korepoti jare oro oyetɨo kavi tata pe,

ërei kuimbae ombokavi imboetea reta.

22Yarakuaambae güi ngaraa mai oyeekɨ jókuae iyarakuaambae,

yepe tëi oyeapaso yeyé angúa pe.

23Ndepokose avei eyangareko ndevecha reta re,

eyemoambeko avei nderɨmba reta re,

24echa mbaeyekou ñanoi vae ngaraa oiko avei,

ngaraa opɨta jekuae avei pegua ñemuña reta peguarä.

25Jokɨta kapii, jokɨta ñana,

jare oñeñovatuta mɨmba jembiurä,

26ndevecha reta jaagüe güi oëta nderemimonderä,

ndekavara reta jepɨgüe güi oëta ɨvɨ regua vaerä,

27ndekavara reta ineche jeta vae re reikota,

jare ndero pegua reta jembiurä

jare opaete nderembiokuai reta jembiurä.