EZEQUIEL 5 - Guarani Bible with DC

1YandeYa jei cheve: “Nde kuimbae, añave eipɨɨ metei kɨse jaimbe vae, tañɨka-raa iñapía rami vae, jare eñapi pɨpe ndea jare nerañɨka-raa. Javoi eipɨɨ metei mbaejäaka, jare ejäa ndea nerañɨka-raa ndive mboapɨ yemboyao.

2Remboapɨ yave jókuae ara reta reiporara Jerusalén re vae, eapɨ metei yemboyao ndea jókuae tëta iä mbɨte pe; jaɨkue rupi metei kɨse pe eyasɨa mokoía ndea remboyao vae tëta guasu ikupe rupi; jare mboapɨa ndea remboyao vae emombo ɨvɨtu güɨroveve vaerä. Che ajata jaɨkue reta metei kɨsepuku ndive chepo pe.

3Ërei joko güi eipɨɨ mbovɨ ndea jare eñapɨti nderemimonde jembeɨ re.

4Javoi eekɨ mbovɨ ndea joko güi, jare eñono tata pe ókai vaerä. Joko güi oëta tata opaete Israel iñemuña reta kotɨ.

5Che ndeYa Tumpa jae körai: Jae kuae Jerusalén. Che ko añono oï vaerä mbɨte pe tëtaguasu reta pe, jare iyɨvɨrigua reta peguarä.

6Ërei jae reta ñäteɨ oyapo cheporookuai reta, jare jeko reta ikaviä yae ïru tëtaguasu reta güi jare iyɨvɨrigua reta güi; echa güɨröɨro reta cheporookuai jare mbaetɨ yogüɨreko reta mborookuai jeia rupi.

7Jáeramo, che ndeYa jae körai: Pe reta pepɨapochɨ yae ïru tëtaguasu reta peɨ́vɨri ñogüɨnoi vae güi, mbaetɨ peyapo cheporookuai reta; kuae tëta reta peɨ́vɨri ñogüɨnoi vae pegua mborookuai reta ave mbaetɨ peyapo.

8Jáeramo che ndeYa jae: Che ayemboyovaichota ndekotɨ Jerusalén; aiporaraukata ndeve tëtaguasu reta jovake,

9mbaetɨi ayapo vae ayapota ndeve jare ngaraa ye ayapo jökorai, echa ikavimbae yae ko opaete reyapogüe.

10Jáeramo, nderapɨpe oimeta kia jou taɨ reta vae,Dt 28.53-57; Jer 19.9; Lm 4.10. ani taɨ reta jou tu reta vae. Aiporaraukata ndeve, jare oikoveño opɨta vae reta amoaita oipota rupi.

11Che jae cheyé aeño: Nde remongɨa chero mbaemboetea, opaete nderembiapo ikavimbae yae vae rupi, jáeramo mbaetɨta cheɨ̈ro ndeve ani roparareko;

12mbɨte seri ndegüi omanota mbaerasɨ ovakatu vae rupi jare karuai pe; jare jembɨregüe mbɨte rupi tovaicho reta opata oyuka; jare jembɨregüe opata amoai moai oipota rupi. Che ajata jaɨkue reta metei kɨsepuku ndive chepo pe.

13Aitɨta chearasɨ jare ayemoangapɨɨta jese reta, jayave chepɨakatuta apɨta. Aitɨ ma yave chearasɨ jese reta, chekuaa retata che ko jae iYa vae, che ko jae jare ayapo chearasɨ reve cherägüɨro güi.

14Jerusalén, nderendagüeño opɨtata; romomaraiukata ïru tëtaguasu reta ndeɨ́vɨri ñogüɨnoi vae ipɨte pe, ndereecha vaerä opaete oguatagüe oasa jokoropi vae.

15Chearasɨ reve aiporarauka ma ndeve yave, tëtaguasu reta ndeɨvɨrigua ndeyoyaita, ñemomarai pe reikota. Che ndeYa jae jökorai.

16Che aru karuai guasu, uvɨ oporoyuka vae rami pemokañɨtei vaerä yave, amoïru yeta peve karuai jare amboatata peve tembíu reta.

17Aruta peré karuai, mbaerasɨ ovakatu vae, mano, jare mbaeporou pemokañɨtei vaerä; poyukaukata jeta ñeraro pe.Ez 14.21; Ap 6.8. Che peYa jae jökorai.”