1Jare oyekuaa ara re mbae tuichagüe, jae ko: Metei kuña kuaraɨ pe oyemonde rami, jare oyemboɨ oï yasɨ iárambo, jare iñäka re äka-regua doce yasɨtata güɨnoi vae.
2Ipurúa jare imembɨ rasɨ ma oï, imembɨ oata vae rami.
3Jare oyekuaa vi ara re ïru mbae tuichagüe, jae ko: Metei mbaeporou tuichagüe pɨ̈ta vae. Güɨnoi chiu iñäka, payandepo jätiDn 7.7. jare iñäka ñavo re güɨnoi äka-regua.
4Jare júguai pe ombotɨrɨrɨ mbɨte seri yasɨtata reta, jare omombo ɨvɨ re.Dn 8.10. Jare jókuae mbaeporou guasu oyemboɨ kuña imembɨ oata oï vae jóvai, opa vaerä jou imembɨ chugüi oa rupive.
5Jare kuña imembɨ oa kuimbae;Is 66.7. jare jókuae oa vae oyokuaita kuri opaete tëtaguasu reta ipopoka jieroSal 2.9. pegua pe. Ërei oyererajauka chugüi imembɨ Tumpa pe, iguapɨa jóvai.
6Jare jókuae kuña otekuarai ñuu kotɨ, echa joko pe Tumpa omokätɨro chupe jendarä. Jare joko pe omongaru retata kuña mil dosciento sesenta ara rupi.
7Javoi Miguel jare iaraɨgua reta ndive täta oñeraro ara pe jókuae mbaeporou ndive. Mbaeporou jare iaraɨgua oñeraro, Dn 10.13,21; 12.1; Jud 9.
8ërei jae reta mbaetɨ ipuere oporomoamɨri jare mbaetɨ ma jendarä ara pe.
9Jare oyemombouka jókuae mbaeporou guasu, mboi ñɨma vae,Gn 3.1. aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güiLc 10.18. opaete iaraɨgua reta ndive.
10Jayave aendu ñee tätagüe ara pe, jei:
“Ou ma oväe yemboasa,
mbaepuere jare ñaneTumpa iporookuaía
jare jemimbou Cristo imbaepuere.
Echa oyemombouka ma
yanderɨvɨ retaJob 1.6-12; Zac 3.1. omboekose Tumpa jóvai
ara rupi jare pɨ̈tu rupi vae.
11Jare yanderɨvɨ reta omoamɨri Satanás
Vecha kuimbae taɨrusu vae jugüɨ rupi
jare Tumpa iñee omoërakua reta vae rupi,
ërei jae reta mbaetɨ güɨrokɨɨye jekove,
mbaetɨ etei okɨɨye reta omano regua.
12¡Jáeramo, peyerovia ara jare pɨpegua reta!
¡Ërei paravete ɨvɨ pegua reta jare ɨguasu pegua reta!
¡Echa aña guasu ogüeyɨ ma peve iyarasɨ yae reve,
echa jae oikuaa michi peguaño ma oikota!”
13Jare jókuae mbaeporou oikuaa yave oyemombouka ma ko ɨvɨ pe, oaɨkuemoña jókuae kuña imembɨ kuimbae vae.
14Ërei oñemee kuña pe mókoi güɨraké tuicha vae ipepo, ipuere vaerä oveve ñuu kotɨ mboi güi. Jare joko pe omongaru retata kuña mboapɨ año y medio.Dn 7.25; 12.7.
15Jare jókuae mboi omombo jeta ɨ iyuru güi, kuña jaɨkue, güɨrajauka vaerä jókuae ɨ pe;
16ërei ɨvɨ omborɨ kuña, echa ɨvɨ oyepea jare opa jou ɨ jókuae mbaeporou iyuru güi omoë vae.
17Jayave mbaeporou pochɨ kuña pe, jare ojo oñeraro kuña iñemuña reta jembɨregüe ndive, jókuae Tumpa iporookuai reta jei vae oyapo vae reta jare güɨrovia Jesucristo re vae reta.
Who We AreWhat We EelieveWhat We Do
2025 by iamachristian.org,Inc All rights reserved.
