1 CRÓNICAS 4 - Guarani Bible with DC

Judá iñemuña reta

1Judá taɨ reta jae: Fares, Hezrón, Carmi, Hur jare Sobal.

2Reaía, Sobal taɨ jae ko Jahat tu, jare Jahat taɨ jae Ahumai jare Lahad. Kuae reta ko jae zoratita reta.

3-4Hur taɨ reta jae: Etam, Jezreel, Isma, Ibdas, jare Penuel, Gedor tu jare Ezer, Husa tu. Kuae reta jeindɨ jee Haze-lelponi. Kuae reta jae Efrata imembɨrɨpɨ Hur taɨ reta, jae ko Belén iñemuñagüe.

5Asur, Tecoa tu mókoi jembireko jae ko Hela jare Naara.

6Naara imembɨ reta jae: Ahuzam, Hefer, Temeni jare Ahastari. Jae kuae reta Naara imembɨ reta.

7Hela imembɨ reta jae: Zeret, Jezoar jare Etnán.

8Cos taɨ reta jae Anub jare Zobeba, jare Harum taɨ Aharhel iñemuña reta.

9Jabes jërakua yae tɨkeɨ reta güi; ichɨ ombojee Jabes, echa jei: “Aiporara yae rupi oa chegüi.”

10Jabes oyerure Israel iTumpa pe, jei reve: “Romoñera ndeporerekua vaerä cheré jare emee cheve tuicha ɨvɨ, chemborɨ jare chereroasayepe ikavimbae güi, agüɨye vaerä aiporara.” Jare Tumpa omee chupe oiporugüe.

11Quelub, Súa tɨvɨ jae ko Mehir tu, Mehir taɨ jae Estón;

12Estón taɨ reta jae Bet-rafa, Paseah jare Tehina; kuae Tehina jae ko omboɨpɨ omopüa tëta guasu Nahas vae. Kuae reta jae ko tëta Reca pegua reta.

13Cenaz taɨ reta jae: Otoniel jare Seraías. Otoniel taɨ reta jae: Hatat

14jare Meonotai, Ofra tu. Seraías taɨ jae Joab, ɨvɨtɨ päu ipe kavi vae Carisim jee vae pe yogüɨreko vae reta iñemuñagüe, echa jae reta ipoki mbae oyapo vae reta ko.

15Jefone taɨ jae Caleb; Caleb taɨ reta jae: Iru, Ela jare Naam. Jare Ela taɨ jae Cenaz.

16Jehalelel taɨ reta jae: Zif, Zifa, Tirías jare Asareel.

17-18Esdras taɨ reta jae: Jeter, Mered, Efer jare Jalón. Mered omenda Bitia, Faraón tayɨ ndive, jae imembɨ chupe vae jae ko tayɨ María, jare taɨ reta Samai jare Isba, Estemoa tu. Mered jembireko ïru Judá iñemuña pegua imembɨ jee: Jered, Gedor tu, jare Heber Soco tu, jare Jecutiel, Zanoa tu.

19Hodías jembireko, Naham jeindɨ imembɨ reta jae: Keila garmita jare Estemoa maacoteo.

20Simón taɨ reta jae: Amnón, Rina, Ben-hanán jare Tilón.

Isi taɨ reta jae: Zohet jare Benzohet.

21Sela, Judá taɨ iñemuña reta jae: Er, Leca tu, jare Laada, Maresa tu jare Bet-asbea pe lino pe oparavɨkɨ vae reta,

22Joacim, jare tëta Cozeba pegua reta, Joás jare Saraf, kuae reta opa yogüɨraja omenda kuña Moab iñemuña pegua reta ndive jare yogüeru ye Lehem pe, tembikuatía ñɨma vae pe oyekuatía oï rami.

23Kuae reta jae ko oñaeu-apo vae reta, jare yogüɨreko ko pe jare temitɨ pɨte pe, oyeokuai yogüɨreko mburuvicha guasu pe.

Simeón iñemuña reta

24Simeón iñemuña reta jae: Nemuel, Jamín, Jarib, Zera, Saúl;

25Saúl taɨ jae Salum, Salum taɨ jae Mibsam, jare Mibsam taɨ jae Misma.

26Misma taɨ jae Hamuel, Hamuel taɨ jae Zacur, Zacur taɨ jae Simei.

27Simei taɨ reta diecisei jare tayɨ reta ova; ërei ikɨvɨ reta mbaetɨ jeta taɨ, jáeramo iñemuña reta mbaetɨ jeta oñemuña Judá iñemuña reta rami.

28Jare yogüɨreko tëta Beerseba pe, Molada pe, Hazar-sual pe,

29Bilha pe, Ezem pe, Tolad pe,

30Betuel pe, Horma pe, Siclag pe,

31Bet-marcabot pe, Hazar-susim pe, Bet-birai pe jare Saaraim pe. Kuae jae jëta guasu reta David oguapɨ mburuvicha guasurä yave regua.

32Güɨnoi vi pandepo tëta: Jae ko Etam, Aín, Rimón, Toquén jare Asán,

33jare opaete tëta raɨ reta kuae tëta guasu reta iyɨvɨrigua, ojoi oväe tëta Baal pe. Kuae jae jëta reta oñemoapɨta kavi reve jëtara ñavo rupi.

34Mesobab, Jamlec, Josías jae Amasías taɨ,

35Joel, Jehú jae ko Josibías taɨ, Josibías jae Seraías taɨ, Seraías jae Asiel taɨ;

36Elioenai, Jaacoba, Jesohaía, Asaías, Adiel, Jesimiel, Benaía,

37Ziza jae ko Sifi taɨ, Sifi jae Alón taɨ, Alón jae Jedaías taɨ, Jedaías jae Simri taɨ, Simri jae Semaías taɨ.

38Kuae jee rupi oñeenɨi vae reta jae mburuvicha reta jëtara reta ñavo pe vae. Echa jeta yae oñemuña jëtara reta,

39yogüeru oeka reve kapii jɨmba reta peguarä Gedor pe yaiketaa pe, kuaraɨ oëa kotɨ ɨvɨtɨ päu ipe kavía pe,

40jare joko pe oväe reta kapii ikavigüe, jeta jare jokɨ katu vae, jare ɨvɨ tuicha vae jare mbaetɨ kia yogüɨreko pɨpe vae. Joko pe yogüɨrekose Cam iñemuña reta,

41ërei mburuvicha guasu Ezequías, Judá pegua iara pe, yogüeru kuae jee oñeenɨi vae reta opa omboai jeyupa ndive, jare opɨta yogüɨreko pɨpe jekovia pe, echa oime pɨpe kapii jɨmba reta peguarä.

42Jare quiniento kuimbae chugüi reta, Simeón iñemuña reta, opa yogüɨraja ɨvɨtɨ Seir pegua pe, kuae reta güɨraja juvicharä Pelatías, Nearías, Refaías jare Uziel, Isi taɨ reta,

43jare opa omboai Amalec iñemuña reta jembɨregüe. Jayave güive yogüɨreko pɨpe añave regua.