1Kuae ko jae mborookuai reta oyeapo peve peyapo vaerä opaete ara peikove peiko ramboeve jókuae ɨvɨ pe, yandeYa Tumpa omee peñemuñagüe reta pe vae pe.
2Pemboai opaete mbaemboete renda tëtaguasu reta pepɨ̈rota vae itumpa-raanga reta oyeokuai reta chupe vae jenda; ɨvɨtɨ ɨvate vae re ñogüɨnoi vae, jare jɨsɨ re ñogüɨnoi vae, jare opaete ɨvɨra iküaraɨa kavi yae vae igüɨ rupigua.
3Pemboai mɨmba oyeyuka oyeapɨ jese vae jae reta imbae jare peyoka itumpa-raanga reta, peapɨ tata pe Asera iä, jare opa pemboai omopöra tumpa-raanga oyapogüe iä, jare opa pemokañɨtei jee joko güi.
4Agüɨye jökorai pemboete yandeYa Tumpa.
5Jae oiparavota ɨvɨ opaete ñemuña reta ipɨte güi joko pe jee oï vaerä, joko peño peota pemboete.
6Joko pe perajata pemee mɨmba oyeyuka opaetei oyeapɨ vae, mɨmba oyeyukagüe, pediezmo reta, mbota oñererökuavee vae, ñererökuavee pegua, mbota kɨ̈reɨ ngatu pegua, jare peguaka reta imembɨrɨpɨ, jare pevecha reta imembɨrɨpɨ.
7Joko pe pekaru yandeYa Tumpa jóvai, jare peyerovia katu pero pegua reta ndive peparavɨkɨagüe re, yandeYa Tumpa iporerekua peré vae rupi.
8Joko pe agüɨye mo peyapo pepɨa jemimbota,
Who We AreWhat We EelieveWhat We Do
2025 by iamachristian.org,Inc All rights reserved.
