1Nde, reiko Tumpa Tuichagüe yae ete vae iporoangareko igüɨ pe vae.
Reiko Imbaepuere yae ete vae ipo pe.
2Ere yandeYa pe: “Cheyeroviaka jare cheñepɨ̈roa ko nde;
¡cheTumpa, arovia jese vae!”
3Jae ndeyorata omaepïaro vae jɨmasa güi,
mbaerasɨ ovakatu vae oporomokañɨtei vae güi.
4Ipepo pe ndeasoita,
jare ipepo igüɨ pe nerëguambae reïta;
¡iporoangareko avei neovatuta yeopiaka rami!
5Agüɨye eyemongɨɨyeuka mbaɨupochɨ pe,
ani ara pe uvɨ ɨvate rupi ou vae güi.
6Agüɨye ekɨɨye mbaerasɨ ovakatu vae pɨtumimbi rupi oguata vae güi,
ani ara pe yayoa ñamano jeta rupi vae güi.
7Omanota ndeɨpɨ pe mil, jare diez mil ndeakatu kotɨ;
ërei ngatu nde ngaraa maratu.
8Añetete nderesa pe etei remaeta jare reechata iyoa vae reta pe jepɨta vae.
9Nde reñono ma yandeYa, neñepɨ̈roarä.
Tuichagüe yae vae, jese che ayeko vae.
10Ngaraa ou ikavimbae ndeve,
mbaerasɨ ave ngaraa ou reikoa re.
11Ombouta iaraɨgua ndeve, neovatu vaerä opaete reoa rupi.
12Ndepoko retata ndereraja,
agüɨye vaerä nepɨ̈sa-yeyuka ita re.
13Yaguapope jare moitini re repɨ̈rota;
yaguapope ndeigüe re repɨ̈rota,
jare mbaeporou teyu guasu rami vae re.
14“Echa iporoaɨu oñono cheré ramo, che vi aepɨta;
jare añonota ɨvate, echa cheré reikuaa ramo.
15Chereenɨita, jare che aenduta chupe;
¡jae ndive aïta mbɨatɨtɨ pe!
Aepɨta jare amboeteukata.
16Amboyekouta tekove puku pe,
¡aechaukata chupe cheporogüɨroasayepe!”
Who We AreWhat We EelieveWhat We Do
2025 by iamachristian.org,Inc All rights reserved.
