JOSUÉ 12 - Guarani Bible with DC

Moisés omoamɨrigüe jare opɨ̈rogüe

1Kuae ko jae mburuvicha guasu reta Israel iñemuña reta omoamɨri ɨ̈aka Jordán güi kuaraɨ oëa kotɨ vae, jare ɨvɨ opɨ̈rogüe reta, ɨ̈aka Arnón güive ɨvɨtɨ Hermón kotɨ, opaete ɨvɨpe kavi Arabá ndive, kuaraɨ oëa kotɨ:

2Sehón, amorreo reta juvicha guasu, Hesbón pe oikose vae, iporookuaía oyemboɨpɨse Aroer güive, ɨ̈aka Arnón jembeɨ pe oï vae, jare ɨvɨtɨ päu ipe kavi mbɨte güive jare Galaad mbɨte güi, ɨ̈aka Jaboc kotɨ, Amón iñemuña reta iɨvɨ jembeɨ rupi,

3jare ɨvɨpe kavi Arabá güive Ɨguasu Cineret kotɨ, kuaraɨ oëa kotɨ; Ɨguasu Jembochɨ vae kuaraɨ oëa kotɨ, Bet-jesimot tape ojoa rupi jare arayevɨ kotɨ ɨvɨtɨ Pisga igüɨ pe.

4Jare Og, mburuvicha guasu Basán pegua iɨvɨ, jae ko refaita reta güi jembɨregüe, Astarot jare Edrei pe oikose vae.

5Jare oporookuaise ɨvɨtɨ Hermón pe, Salca pe, opaete Basán güive Gesur jare Maaca jembeɨ pe, jare Galaad mbɨte rupi, Sehón, mburuvicha guasu HesbónNm 21.21-35; Dt 2.26—3.11. pegua iɨvɨ pe.

6Moisés jare Israel iñemuña reta omoamɨri kuae mburuvicha guasu reta, jare Moisés omee kuae ɨvɨ reta Rubén jare Gad iñemuña reta imbaerä, jare ManasésNm 32.33; Dt 3.12. iñemuña oyemboyaogüe reta imbaerä.

Josué omoamɨrigüe jare opɨ̈rogüe

7Kuae ko jae mburuvicha guasu reta Josué jare Israel iñemuña reta omoamɨri ɨ̈aka Jordán güi kuaraɨ oikea kotɨ vae, Baal-gad ɨvɨtɨ päu Líbano pe oï vae güive, jare ɨvɨtɨ Halac kotɨ, Seir kotɨ oyeupi vae; jare Josué omboyao ɨvɨ Israel iñemuña reta pe imbaerä;

8ɨvɨtɨ guasu rupi, ɨvɨpe kavi rupi, ɨvɨ Arabá rupi, ɨvɨtɨ ikúa rupi, ñuu rupi jare Neguev rupi. Kuae ɨvɨ reta jae ko heteo reta, amorreo reta, cananeo reta, ferezeo reta, heveo reta jare jebuseo reta imbaegüe.

9Mburuvicha guasu reta ñamɨrigüe jae ko: Jericó pegua, Hai pegua, kuae tëta guasu oï Bet-el iyɨpɨ pe,

10Jerusalén pegua, Hebrón pegua,

11Jarmut pegua, Laquis pegua,

12Eglón pegua, Gezer pegua,

13Debir pegua, Geder pegua,

14Horma pegua, Arad pegua,

15Libna pegua, Adulam pegua,

16Maceda pegua, Bet-el pegua,

17Tapúa pegua, Hefer pegua,

18Afec pegua, Sarón pegua,

19Madón pegua, Hazor pegua,

20Simron-merón pegua, Acsaf pegua,

21Taanac pegua, Meguido pegua,

22Cedes pegua, Jocneam, Carmelo pegua,

23Dor pegua, ɨvɨ Dor pe, Goim pegua, Gilgal pe,

24Tirsa pegua. Opaete reve treinta uno mburuvicha guasu.