1Ɨvɨtɨ ɨvɨ Efraín pegua pe oiko metei kuimbae Micaía jee vae,
2-3jae oyemombeu ichɨ pe, jei:
—Jókuae mil cien reare korepoti pegua oñomi ndegüi vae re reyepopeyu vae, che oime anoi jókuae korepoti. Che ko añomi ndegüi; ërei añave tamee ye ndeve, echa aendu rere jókuae korepoti reñono tee ko yandeYa peguarä, remondo vaerä reyapouka metei mbae iä oñeopa vae jare oyemondɨkui vae korepoti pegua.
Jare omee ye chupe korepoti. Jayave ichɨ jei:
—¡Tumpa tiporerekua nderé chemembɨ!
4Micaía omee ye güire korepoti ichɨ pe, jae omee jókuae dosciento reare korepoti, ipoki mbae iä korepoti pegua oyapo vae pe, oyapouka vaerä metei mbae iä oñeova korepoti pe vae, oñono vaerä Micaía jo pe.
5Micaía güɨnoi tumpa-raanga reta jenda, jare oyapo temimonde iyɨvambae jare mbae iä reta jare ombojee metei taɨ reta güi sacerdoterä.
6Echa jókuae ara rupi mbaetɨ vɨteri mburuvicha guasu Israel pe, metei vae ñavo oyapo ipɨa jemimbota.
7Oiko metei kunumi ketɨgua tëta Belén, Judá pegua jae ko levita.
8Jókuae kunumi oë Belén güi oeka kia pe oiko vaerä, jare oguata oiko ɨvɨtɨ reta Efraín pegua rupi ojo oväe Micaía jëta pe.
9Jare Micaía oparandu chupe:
—¿Ketɨ güi pa reyu?
Kunumi jei:
—Belén güi, levita ko che, aeka aiko kia pe aiko vaerä.
10Micaía jei chupe:
—Epɨta jayave chépɨri kuae pe, reiko vaerä chesacerdoterä jare chemboarakuaa vaerä. Che amboepɨta ndeve payandepo siclo reare korepoti pegua año pe, jare ameeta vi ndeve tembíu jare temimonde. Jare levita opɨta joko pe.
11Jókuae Levita ikɨ̈reɨ opɨta oiko vaerä Micaía pɨri, jare jae oiko chupe taɨ rami.
12Jare Micaía oñono tee isacerdoterä jókuae levita, jare opɨta oiko Micaía pɨri jo pe.
13Jayave Micaía oyemongeta Tumpa iporerekua oimeta güɨnoi, echa levita güɨnoi isacerdoterä.
Who We AreWhat We EelieveWhat We Do
2025 by iamachristian.org,Inc All rights reserved.
