1CheYa, romboeteta opaete chepɨa ndive,
tumpa-raanga reta güi atairarita ndeveño salmo reta pe.
2Ayetavatɨkata ndetupao oñeñono tee vae kotɨ amae reve,
ameeta yasoropai ndeporoparareko añete vae re,
echa rembotuicha nderee jare neñee opaete mbaembae güi.
3Roenɨi yave, nde reendu cheve,
jare chemopɨ̈rata.
4CheYa Tumpa, opaete mburuvicha guasu reta ɨvɨ pegua ndemboeteta,
echa oendu reta neñee.
5Otairari retata ndemboete cheYa,
echa ndeyemboetea tuicha yae ko.
6Yepe tëi mombɨrɨ ɨvate reï,
reyangareko paravete vae re,
ërei mombɨrɨ güi reecha ko ipɨayemboete vae.
7Aiko mbɨatɨtɨ rupi yave,
nde remee tekove cheve;
cherovaicho reta iyarasɨ chekotɨ vae güi,
nde chereroasayepe ndembaepuere pe.
8¡CheYa, rembopota ndeyemongeta cheré!
CheYa Tumpa, ndeporoparareko jekuae avei pegua ko.
¡Agüɨye chereeya, che nderembiapo!
Who We AreWhat We EelieveWhat We Do
2025 by iamachristian.org,Inc All rights reserved.
