EFESIOS 5 - Guarani Bible with DC

Peiko tembipe pe yogüɨreko vae reta rami

1Peiko Tumpa oiko rami. Echa pe ko jae taɨ reta oaɨu yae vae.

2Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

3Ërei agüɨye etei peyapo aguasa jare opaete teko pɨ̈chɨi, ani peipotarai mbae ambuae. Echa pe reta Tumpa peñono tee vae mbaetɨ jaekavi peyapo vaerä kuae;

4agüɨye pemiari ñee mbokere, ñee arakuaambae pegua, ñee pɨ̈chɨi, mbaetɨ jaekavi peyapo vaerä vae; ërei kuae pere vaerägüe pemee yasoropai Tumpa pe.

5Echa pe reta peikuaa ko metei ave aguasa oyapo vae, ani ikɨa Tumpa jóvai vae, ani imbae potarai vae (kuae ko itumpa-raanga pota vae reta) ngaraa yogüɨreko Cristo jare Tumpa iporookuaía pe.

6Agüɨye kia ave tapembotavɨ ñee osirivembae pe, echa kuae jeko pegua ko Tumpa iyarasɨ ou iñeereendumbae reta re.

7Jáeramo, agüɨye peyea jókuae nunga reta ndive.

8Echa tenonde yave peikose pɨtumimbi pe rami. Ërei añave peiko tembipe rami yandeYa re. Peiko tembipe pe yogüɨreko vae reta rami.

9Echa Espíritu omee yandeve vae ko mbɨakavi, mbaejupi jare añete vae.

10Jekuaeño peipota peikuaa yandeYa ombopɨakatu vae.

11Agüɨye etei peñemoïru pɨtumimbi pe yogüɨreko vae reta jembiapo pe, ërei pemboete ikavimbae ko jókuae reta jembiapo vae.

12Echa ñemomarai ko ñanemiari vaerä ave jókuae oyapo vɨari reta vae re.

13Ërei tembipe oï yave, omboyekuaa kavi opaete mbaembae. Echa tembipe ko omboyekuaa kavi opaete mbae vae.

14Jáeramo Tumpa jei:

“Esareko mo, nde reke vae.

Epüa ye omanogüe vae reta ipɨte güi,

jare Cristo ndemboesapeta.”

15Jáeramo, peñemoäta ngatu peiko kavi vaerä, agüɨye peiko iyarakuaambae vae reta rami. Peiko iyarakuaa vae reta rami.

16Peiporu kavi ara reta,Peiko kavi oyoupi

21Peiko kavi oyoupi, peipoɨu reve Tumpa güi.

22Kuña reta toiko ime jeia re,Col 3.18; 1 P 3.1. yandeYa re rami;

23echa kuimbae ko jae kuña iñäka, Cristo oporogüɨrovia vae reta iñäka rami. Echa oporogüɨrovia vae reta jae ko Cristo jete jare Cristo ko jae imboasaa.

24Oporogüɨrovia vae reta yogüɨreko Cristo jeia re rami, jökorai vi kuña reta toiko ime jeia re opaete pe.

25Kuimbae reta toaɨu jembireko,Col 3.19; 1 P 3.7. Cristo oaɨu oporogüɨrovia vae reta rami, echa jae oñemee omano vaerä jese reta,

26oñono tee vaerä iyeupeguarä, jare oyoe vaerä iñee rupi, ɨ pe mbae yayoe vae rami;

27jökorai oporogüɨrovia vae reta imboetea yae reve güeru vaerä jóvai ikɨambae reve ani jova oñɨñɨimbae reve ani jókuae rami vae, jaeño ikɨambae etei, ikavi yae reve.2 Co 11.2; Ap 21.2,9.

28Jökoraiño vi kuimbae reta toaɨu jembireko, jae reta oyeaɨu rami. Jembireko oaɨu vae, jae etei oyeaɨu.

29Echa mbaetɨi ko kia omotareɨ jete vae, jaeño omongaru jare oyangareko jese. Jökorai ko Cristo oyangareko oporogüɨrovia vae reta re,

30echa yande ko jae Cristo jete, isoo jare ikägüe reta.

31“Jáeramo, kuimbae toeya tu jare ichɨ, toyogüɨreko jembireko ndive, jare toyogüɨreko metei ramiño.”Gn 2.24.

32Tuicha yae ko kuae yaikuaa rapembae vae. Chemiari ko aï peve Cristo re jare oporogüɨrovia vae reta re.

33Ërei metei vae ñavo toaɨu jembireko, jae oyeaɨu rami. Jare kuña tomboete ime.