1Cheraɨ, eyeapɨsaka cheporomboarakuaa re; emboɨke ndeapɨsa cheporomboarakuaa katu kotɨ.
2Reñovatu vaerä yemboarakuaa,
ndepuere vaerä nemiari arakuaa katu reve.
3Echa kuña iyaguasa pota vae iñee jëe ngatu yae,
iñee kaviasɨ, asaite iïchɨi kavi rami,
4ërei iyapɨ, mbae iro yae vae rami ko,
jare jaimbe yae kɨsepuku jaimbe yoyavi vae güi.
5Jupíe ojo vae güɨraja mano kotɨ;
oporogüɨraja omanogüe reta ñogüɨnoia kotɨ.
6Jókuae nunga kuña mbaetɨ oikuaa tape tekove pegua,
jape reta mbaetɨ ko ɨma pegua.
7Añave, cheraɨ reta, peyeapɨsaka cheré,
agüɨye pesɨrɨ cheñee reta güi.
8Esɨrɨ kuña iyaguasa pota vae güi;
agüɨ ye etei eya jöke re ave,
9agüɨye vaerä opɨta ïru vae pe ndembaeyekou,
jare repɨ̈ rouka nderekove ndetaɨrusu reve ipɨa-pïrimbae pe;
10agüɨye vaerä ïru vae oyekou ndeparavɨkɨagüe re.
11Agüɨye vaerä ndepɨatɨtɨ
nderete okañɨ ma ojo oiko yave.
12Jare rere:
“¡Maera pa ko aröɨro yemboarakuaa!
¡Maera pa ko aröɨro yembosɨmbi!
13¡Mbaetɨ aipota aendu chemboe vae reta iñee,
mbaetɨ ayeapɨsaka chemboe vae reta re!
14¡Jare mbaetɨ etei ma chereko ikavi
opaete vae reta ipɨte pe!”
15Eɨu ndeɨrɨru güi aeño, ndeɨkua ae güi.
16¿Repɨyereiñota pa ndeɨesaɨ kaye rupi?
¿Remomboiñota pa ndeɨ oka guasu rupi?
17Ɨkua jare ɨ ndembae ko;
¡agüɨye eiporu ambuae vae reta ndive!
18¡Tandemboyerovia ndeɨesaɨ aeño!
¡Eyerovia katu ndetaɨrusu güive voi ma kuña rereko vae ndive!
19¡Guasu ikavi yae jare ipöra yae vae rami vae!
¡Tandepichɨ avei!
¡Tandemboyerovia avei iporoaɨu pe!
20Cheraɨ, ¿maera pa reikota kuña iyaguasa pota vae ndive nderesambae rami?
¿Maera pa reiküavata kuña iyaguasa pota vae?
21Echa Tumpa jesa róvai oiko kuimbae ara ñavo;
jae omae oï opaete kuimbae jembiapo reta re.
22Iyoa vae oyepokoita jeko pe aeño;
jare oñeapɨtiukata iyoa pe aeño.
23Omanota mbaetɨ oyepoepɨ jeko pegua;
ombaeyavɨ ta imbokere yae jeko pegua.
Who We AreWhat We EelieveWhat We Do
2025 by iamachristian.org,Inc All rights reserved.
