DEUTERONOMIO 11 - Guarani Bible with DC

YandeYa tuicha yae ko vae

1Peaɨu yandeYa Tumpa, peyapo opaete iporookuai reta ara ñavo.

2Peikuaa añave yandeYa Tumpa iporombosɨmbi re, peraɨ reta mbaetɨ oikuaa jare mbaetɨ vi oecha. Peikuaa yandeYa Tumpa iporonupa, tuicha yae vae, imbaepuere yae vae jare ipo oporoiämondo yae vae,

3mɨakañɨ reta Egipto pe oyapo vae, Faraón mburuvicha guasu Egipto pegua pe jare opaete iɨvɨ pegua reta pe vae re,

18Jáeramo, peñono kuae ñee reta pepɨa pe, jare peñapɨti ikañɨmaa vaerä pepoapɨ re jare peresɨva re.

19Pemboe peraɨ reta, pemiari jese chupe reta peguapɨ peï pero pe yave, peguataa rupi, peyapakuata yave, jare pepüa ye yave.

20Peikuatía pero pe okɨta reta re, jare peröke re,Dt 6.6-9.

21pe jare peraɨ reta peiko puku vaerä ɨvɨ pe, yandeYa güɨrökuavee jee re peñemuñagüe reta pe omee vaerä vae pe, ara oiko avei ɨvɨ iárambo rami.

22Peyapo kavi yave opaete mborookuai jei vae che amombeu añave peve vae, jare peaɨu yave yandeYa Tumpa peguata reve pemboe vae rupi jare jupi rupi,

23yandeYa omoëta vi omombo perenonde güi opaete tëtaguasu reta, jare pe pepɨ̈rota tëtaguasu reta tuicha yae jare imbaepuere yae pegüi vae.

24Opaete ɨvɨ pepɨ̈rota jese vae pembaerä ko. Ñuu güive ojoi oväe Líbano pe, ɨ̈aka Éufrates güive ojoi oväe Ɨguasu Mediterráneo kotɨ oï vae pe, ɨvɨ pembaerä ko.

25Ngaraa etei kia ipuere peré,Jos 1.3-5. yandeYa Tumpa oñonota kɨɨye jare orɨrɨi vaerä pegüi opaete ɨvɨ rupi peoa rupi, jae jei peve rami.

26Mase, ko añono añave peve peiparavo vaerä mborerekua ani yepopeyu.

27Penoita mborerekua, peyapo yave yandeYa Tumpa iporookuai reta, che amombeu añave peve vae.

28Peikota yepopeyu rupi, mbaetɨ yave peyapo yandeYa Tumpa iporookuai reta jare pepia yave pomboe añave jese vae güi, pemboete vaerä tumpa ambuae reta peikuaambae.

29YandeYa Tumpa pereroike ma yave ɨvɨ pepɨ̈rota peiko pɨpe vae pe, peñono mborerekua ɨvɨtɨ Gerizim re, jare yepopeyu ɨvɨtɨ Ebal re.Dt 27.11-14; Jos 8.33-35.

30Kuae ɨvɨtɨ reta ñogüɨnoi ko Jordán jovaicho pe, tape kuaraɨ oikea kotɨ rupi oasa vae iyɨ́vɨri rupi kutɨ ñogüɨnoi vae, cananeo reta iɨvɨ pe, Arabá Gilgal jóvai yogüɨreko vae reta, ɨvɨra encinarupa More pegua güi köiño.

31Echa pe jaema peasata Jordán peo vaerä pepɨ̈ro ɨvɨ yandeYa Tumpa omee peve vae, pepɨ̈ro jare peiko ma pɨpe yave,

32peyapo opaete mborookuai reta oyeapogüe, añave che amee peve vae.