SALMOS 16 - Guarani Bible with DC

SALMO 16Mbaeyekou ikavigüe

1Cheangareko cheRu Tumpa, echa ndereño ayeko.

2Che jae ndeve:

“Nde ko jae cheYa;

mbaetɨ yé ndegüi mbae ikavi cheve vae.”

3Tumpa-raanga reta imbaepuere ko,

jese güɨrovia vae reta peguarä.

4Oiporara yaeta, jókuae ikɨ̈reɨ ngatu reve

oyeokuai ïru tumpa reta pe vae.

Ngaraa che arökuavee tugüɨ chupe reta,

jee ave ngaraa aenɨi.

5CheYa, ndeño ko jae chembaeyekou;

nde remee aiko vaerä.

6Oñejäa kavi yae cheve ɨvɨ kavía pe,

jare ipöra yae ko ɨvɨ chembaerä vae.

7Tamboete cheYa chemboarakuaa vae;

pɨ̈tu rupi ave cheyemongeta chemboe.

8Ambotenonde avei cheYa,

echa oiko avei cheɨke pe,

ngaraa chemongúe vae.

9Jáeramo ayerovia yae jare oyekou yae.

Aputuuta akɨɨyembae reve;

10echa ngaraa chereeya omanogüe reta ñogüɨnoia pe;

ngaraa remaeño che reñono tee vae cheretegüe oikomegua vaerä.

11Reechaukata cheve tape tekove pegua;

reikoa pe oime avei tuichagüe vɨakatu,

yerovia katu opambae vae oime ndeɨpɨ pe.