1Agüɨye toike yandeYa imbae vae reta ipɨte pe, japiaräɨ oikomegua vae ani japía oyeasɨagüe.
2Agüɨye toike yandeYa imbae vae reta ipɨte pe mbaragüe, iñemuña yoapɨ ave agüɨye toike yandeYa imbae vae reta ipɨte pe.
3Agüɨye toike Amón iñemuña pegua ani Moab iñemuña pegua yandeYa imbae vae reta ipɨte pe, ñemuña yoapɨ ave agüɨye toike.
4Echa Egipto güi peyu jare peasa yave iɨvɨ reta rupi, mbaetɨ oë perövaiti tembíu ndive ani ɨ ndive, jaeño omboepɨ Balaam, Beor taɨ jae ko Mesopotamia pegua pe, oyepopeyu vaerä pekotɨ.Nm 22.1-6.
5Ërei yandeYa Tumpa mbaetɨ oipota oyeapɨsaka Balaam re; jare oipoepɨ yepopeyu mborerekua pe,Nm 23.7—24.9. echa yandeYa Tumpa peraɨu.Neh 13.1-2.
6Agüɨye peyapo jae reta ndive mbɨakatu ani mbae ikavi vae, opaete ara peikove peiko ramboeve.
7Ërei ngatu agüɨye peröɨro Edom iñemuña reta; echa perëtara reta ko; jare Egiptoɨgua reta, echa peikose iɨvɨ pe;
8taɨ jɨmɨmino reta ipuere ma oike oyea yandeYa imbae vae reta ndive.
Mborookuai reta tekove katu pegua9Peo yave ñeraroa pe peñoraro vaerä perovaicho reta ndive, peyeandu opaete mbae ikavimbae güi.
10Oime yave pepɨte pe kia nunga vae ikɨa Tumpa jóvai, pɨ̈tu yave rupi oyemongɨa vae jeko pegua, toë teyupa güi ikatu pe jare agüɨye toike pɨpe opaete jókuae ara.
11Kaaru yave toyau, jare kuaraɨ oike ma yave toike ye teyupa pe.
12Teyupa güi ikatu pe penoi peo vaerä ñana pe.
13Perembiporu reta ñeraro pegua ndive penoi metei etaka, peo yave ñana pe peyoo vaerä ɨvɨ jókuae etaka pe, jökorai peyatɨ pemañagüe ɨvɨkua pe.
14Echa yandeYa Tumpa oguata pepɨte rupi teyupa pe, peñovatu vaerä jare omee vaerä peporomoamɨri; jáeramo agüɨye tikɨa toï teyupa peï pɨpe vae, agüɨye vaerä Tumpa oecha mbae ikɨa vae pɨpe, jökorai ngaraa osɨrɨ pegüi.
Tëta ñepɨ̈roka kotɨ otekuarai vae regua mborookuai15Metei tembiokuai otekuarai yave iya güi jare ojo oiporu peve oñepɨ̈ro vaerä peré yave, agüɨye pemee ye iya pe.
16Toiko pepɨte pe tëta ipöra chupea pe, jae oiparavoa pe, agüɨye kia tomoambeko.
Aguasa oyeopia vae regua17Agüɨye toime metei ave kuña iyaguasa pota vae ani kuimbae japicha ndive oasa vae Israel iñemuña reta ipɨte pe.Lv 19.29.
18Agüɨye iyaguasa pota vae jepɨgüe ani kuimbae japicha ndive oasa vae jepɨgüe peru yandeYa Tumpa jo pe, echa jókuae nunga pɨ̈chɨi yae ko yandeYa Tumpa pe.
19Agüɨye metei perëtaɨgua oiporu korepoti vae pe pekovara jókuae korepoti ingana re, ani tembíu oiporu vae re, ani oipotagüe mbae oiporu vae re.
20Ketɨgua pe pepuere pekovara omboepɨ vaerä oiporugüe ingana, ërei agüɨye peyapo jökorai perëtaɨgua.Ex 22.25; Lv 25.36-37; Dt 15.7-11. Jökorai yandeYa Tumpa iporerekua vaerä peré peyapo vae rupi, jókuae ɨvɨ peota pepɨ̈ro pembaerä vae pe.
21Peyapo yave ñererökuavee yandeYa Tumpa pe, agüɨye peäro pembopo vaerä,Nm 30.1-16; Mt 5.33. echa añetete yandeYa Tumpa oekata peve, jare peyapoä yave peyoata.
22Ërei ngatu mbaetɨ yave peyapo ñererökuavee, ngaraa peyoa;
23ërei peñererökuavee yave yandeYa Tumpa pe, pembopo pepɨa-kɨ̈reɨ ngatu reve mbota perökuavee vae.
24Peike yave perëtara iuvarupa pe, pepuere peu opaete peyúe rupi, ërei agüɨye peraja pekanata pe.
25Peike yave perëtara itrigorupa pe, pepuere pemondoro pepo pe iagüe, ërei agüɨye peyasɨa hoz pe.
Who We AreWhat We EelieveWhat We Do
2025 by iamachristian.org,Inc All rights reserved.
