PROVERBIOS 19 - Guarani Bible with DC

1Ikaviño ko paravete reve jupi rupi oiko vae,

ipɨapochɨ jare indaye pota yae vae güi.

2Mbaetɨ arakuaa güɨnoi vae, mbaetɨ ikavi,

mbae oyeapo rai rai voi vae, mbaeyavɨ ko.

3Kuimbae opia jape güi, mbaetɨ yarakuaa jeko pegua,

javoi iyarasɨ yandeYa kotɨ.

4Mbaeyekou rupi oime jeta vɨa-ïru,

ërei paravete vae, ivɨa-ïru ave oyembosɨrɨ chugüi.

5Japicha re iyapu reve imiari vae,

ngaraa opɨta oiporarambae;

a pu omomora vae ngaraa oasayepe.

6Ipɨakavi vae, jekaa yae,

jäkateɨmbae re, ovɨa yae vae ko.

7Paravete vae, jëtara ete ave omotareɨ yae,

¡vɨtei pa ivɨa-ïru reta, opa tai ko oyembosɨrɨ chugüi!

Oeka tëi kia ndive imiari vaerä yave, mbaetɨ oväe.

8Arakuaa katu güɨnoi vae, oyeaɨu ko, arakuaa katu rupi oiko vae, oiko kavita.

9Japicha re iyapu reve imiari vae,

ngaraa opɨta oiporarambae; apu rupi imiari vae, omanota ko.

10Yarakuaambae, oikatúä ikavigüe pe oiko vaerä,

jökoraiño vi metei tembiokuai, ngaraa oikatu oiko mburuvicha reta itenondeguarä.

11Kuimbae oyeandu katu reve oiko vae, mbaetɨ iyarasɨiño,

iyemboete jae ko, omboasɨä ñeeasɨ katu.

12Mburuvicha guasu iyarasɨ, yaguapope

pochɨ vae iñee rami,

ërei ipɨakavi, ɨsápɨi oa ñana re rami.

13Iyarakuaambae, mbɨatɨtɨ ko tu pe,

kuña pochɨ rai yae vae, o otɨkɨ avei vae rami ko.

14Kuimbae reta iporombopota jae ko,

jo jare imbaeyekou taɨ reta imbaerä,

ërei yandeYa iporombopota jae ko, kuña yarakuaa katu vae.

15Iyakɨ vae, jopeɨ yae,

ipokosembae, oiporarata yɨmbɨaɨ.

16Mborookuai oñovatu vae, jekove ko oñovatu;

ërei mborookuai güɨröɨro vae, omanota ko.

17YandeYa pe ko oiporuka, paravete vae ombopota yave;

ikavi vae oyapo vae oyemboekoviata ko chupe.

18Einupa nderaɨ jeko kavimbae re,

ndepuereta rembosɨmbi ramboeve; ërei agüɨye oasa ete einupa.

19Iyarasɨ yae vae, oiporara tai ko;

mbaetɨ oiporara jeko re yave, jeieteñota.

20Eendu yemboarakuaa, agüɨye eröɨro yembosɨmbi;

jökorai ndearakuaa vaerä.

21Kuimbae ipɨa pe jeta iyemongeta,

ërei yandeYa jei vaeño ko oyeapota.

22Oporoparareko vae, jae ko kuimbae ipɨakatu vae,

ërei paravete vae ko, ikavi yae ete iyapu yae vae güi.

23YandeYa güiño oipoɨu vae, güɨnoita tekove;

oiko pɨagüiveta, ngaraa maratu oiko.

24Iyakɨ vae, opöe ñae pe,

ërei iyakɨ güɨ raja iyuru pe ave.

25Oporoyóyai yóyai vae iñenupa rupi, yarakuaambae yarakuaa;

ërei yarakuaa katu vae pe oye mboeta yave, yarakuaa katu voi.

26Tu güi omaepɨ̈ro vae jare ichɨ omombo iyeugüi vae,

oyapo ko ñemomarai jare mbae jërakua pɨ̈chɨi yae vae.

27Cheraɨ, mbaetɨ reyeapɨsaka mboromboe re yave,

reyembosɨrɨ ko yemboarakuaa ikavigüe güi.

28Japicha re iyapu reve imiari vae, opuka pukaño mbaejupi re;

iy oa vae reta, jei ñee ikavimbae.

29Tembiporara, oäro oï oporoyóyai yóyai vae reta;

jare chikote ko, iyarakuaambae reta peguarä.