1Imbaepuere vae reta, ¿añetete ra pere jupi vae?
Kuimbae reta, ¿peporojäa ra jupi rupi?
2¡Mbaetɨ! Pepɨa pe peyemongeta peyapo vaerä ikavimbae;
jeieteño peyapo ikavimbae ɨvɨ pe.
3Mbaeyoa iyapoa reta, ichɨ jɨe güive voi ma jökorai ou;
apu imiari vae reta oa ramo güive voi jökorai.
4Güɨnoi reta mbayachi mboi imbayachi rami;
oyapete reta iyapɨsa mboi rami,
5agüɨye vaerä oendu kuimbae opɨrae vae ipɨrae,
yepe tëi ipoki yae jókuae opɨrae vae.
6CheRu Tumpa, ¡emopë jäi chugüi reta!
CheYa Tumpa, ¡emopë yaguapope raɨ reta jäimbuku rami!
7Tokañɨ reta ɨ osɨrɨ vae rami;
juvɨ ojäa yave, topa topë topë;
8toasa reta yatɨta okañɨ rami,
jare ¡michia omano oa vae, mbaetɨ tembipe oecha vae rami!
9Tókai reta yuu jendɨ rai vae rami,
jökorai jekove reve jare iyarasɨ reve topa ɨvɨtuai togüɨroveve reta.
10Oyeroviata jupi vae oecha yave kia oyepɨ chupe;
¡ipɨ oyoeta jupimbae reta jugüɨgüe pe!
11Jayave jeita:
¡Añetete oime yepe mbae ikavi yae vae, jupi rupi oiko vae peguarä!
¡Añetete oime yepe Tumpa ɨvɨ pegua reta ojäa vae!
Who We AreWhat We EelieveWhat We Do
2025 by iamachristian.org,Inc All rights reserved.
