1CheYa Tumpa, epüa oyovaicho chekotɨ vae reta re;
eñeraro oñoraro che ndive vae reta ndive.
2Eipɨɨ yeopiaka tuicha vae, jare epüa chemborɨ;
3eipɨɨ nemii, eyopia cheraɨkuemoña vae reta;
ere cheve: “¡Che jae ko ndereroasayepe vae!”
4Toñemomaraiuka toyeyoyaiuka
oipota cheyuka vae reta;
totekuarai reta oñemomarai reve,
oipota ikavimbae oyapo cheve vae reta.
5¡Toyogüɨreko reta, mbae javiyugüe opa ɨvɨtu güɨroveve rami,
ndearaɨgua omoña reta yave!
6¡Tipɨtumimbi jare tiïchɨi toï jape reta,
jare ndearaɨgua toaɨkuemoña reta!
7Echa jupimbae reve oñono reta ñuai cheve cheraperä pe;
jupimbae reve oyoo reta ɨvɨkua cheraperä pe.
8¡Iparanoe tosusere reta!
¡Toa reta jókuae ñuai oñono vae pe yeño!
¡Tosusere reta!
9Jayave ayeroviata nderé cheYa,
ayeroviata ndeporogüɨroasayepe re.
10Opaete chepɨa ndive jaeta:
“¿Kia pa nde rami cheYa?
Reepɨ oikoasɨ katu vae, imbaepuere yae chugüi vae ipo güi;
paravete vae jare mbae oata chupe vae, imbaeyuvanga katu vae güi.”
11Opüa imiari reta añetembae vae,
oparandu reta cheve mbaetɨ aikuaa vae re.
12Ikavi ayapo vae omboekovia reta cheve ikavimbae pe,
chembopɨatɨtɨ vaerä;
13ërei jae reta imbaerasɨ yave,
che ayemonde temimonde mbɨatɨtɨ pegua pe,
chepɨatɨtɨ jese reta güi ayekuaku tembíu güi,
chepɨa rupi ayerure avei jese reta.
14Chevɨa-ïru re rami,
cherëtara ete re rami aiko.
Chepɨatɨtɨ yae, chesɨ omano chegüi rami.
15Ërei che cheamɨri yave,
opaete cheyóyai yóyai vae.
Oporomotareɨ vae reta oyomboatɨ chekotɨ,
che mbaetɨ aikuaa vae reta,
jasɨ katu avei rupi cherereko reta.
16Chemboete raanga, cheyóyai yóyai reta,
omae reta cheré chemotareɨ yae reve.
17CheYa, ¿kërai yave regua pa remaeiñota reiko cheré?
¡Chereroasayepe iporomokañɨtei reta güi,
chereroasayepe yaguapope rami vae reta güi!
18Ameeta yasoropai ndeve ndembae jeta vae reta jovake,
¡romboeteta jeta yae vae reta ipɨte pe!
19Agüɨye tacheyóyai yóyai, jupimbae reve oyovaicho reta chekotɨ vae,
ani jupimbae reve jesatï chemotareɨ vae reta.
20Echa mbaetɨ imiari reta mbɨakatu;
oyemongeta reta ombotavɨ vaerä teko kavi rupi yogüɨreko vae reta.
21Tuicha opopira reta iyuru chekotɨ;
jei reta: “¡Ore etei roecha!”
22¡CheYa Tumpa, nde reecha ko!
¡Agüɨye nekïrii!
¡Agüɨye eyembosɨrɨ chegüi!
23CheYa Tumpa, chereepɨ,
¡epa jare epüa eyapo cheve jupi vae!
24CheYa Tumpa,
chejäa, nde ko jupi vae,
¡agüɨye tacheyóyai yóyai reta!
25Agüɨye tei reta ipɨa pe:
“¡Jae ko kuae yaipota vae!
¡Jaema ko ñamokañɨtei!”
26Toñemomaraiuka jare tipɨa jopa reta metei rami,
oipota ikavimbae oyapo cheve vae reta.
Timara jare tipɨa jopa topɨta oyembotuicha chekotɨ vae reta.
27Ërei totairari jare toyerovia chereepɨ yogüɨreko vae reta;
jare tei avei reta:
“¡YandeYa tuicha yae ko,
jae ipɨakatu, jembiokuai ipɨakatu oï yave!”
28Che chemiarita ndejupi vae re,
romboeteta opaete ara.
Who We AreWhat We EelieveWhat We Do
2025 by iamachristian.org,Inc All rights reserved.
