HECHOS 2 - Guarani Bible with DC

Espíritu Santo ou vae regua

1Arete Pentecostés yayeapo vae reta. Opaete yaendu ñaneñee pe imiari ñogüɨnoi mbae tuichagüe Tumpa oyapo vae re.

12Jare opaete yatɨ vae reta ipɨakañɨ yae reve jei oyoupe:

—¿Mbae ra ko kuae?

13Ërei ïru vae reta oyóyai reve jei reta:

—¡Osavaɨpo reta ko!

Pedro iñemoñee

14Jayave Pedro oyemboɨ jókuae ïru once temimondo reta ndive, jare jei yatɨ vae reta pe iñeeäta reve: “Kuimbae judío reta jare opaete peiko Jerusalén pe vae. Aipota peikuaa kavi kuae regua. Peyeapɨsaka cheñee re.

15Pe reta peyemongeta kuae reta osavaɨpo ko ñogüɨnoi. Ërei jökoraiä ko. Echa ndeimboveño vɨteri ko.

16Kuae ko jae arakae ñeemombeúa Joel jei vae, echa jei:

17‘Jare ara reta taɨkuegua pe, jei Tumpa:

Ambouta cheEspíritu opaete vae reta pe.

Peraɨ reta jare perayɨ reta

omombeuta cheregua.

Jare kunumi reta oechata Tumpa oechauka vae

jare indechi vae opaɨuta.

18Jare jókuae ara reta pe ambouta cheEspíritu

kuimbae reta jare kuña reta oyeokuai cheve vae pe,

jare omombeu retata cheregua.

19Jare ayapota mɨakañɨ reta tuichagüe ara re,

jare ɨvɨ re mɨakañɨ reta:

Oimeta tugüɨ, tata jare tätatina.

20Kuaraɨ oyembopɨtumimbita,

jare yasɨ oyeapota tugüɨ rami,

ndei cheporojäa iara oväe mbove.

Jókuae ara opaete vae ipɨakañɨta ko.

21Ërei opaete oyerure cheve omborɨ vaerä

vae reta oyemboasaukata ko.’

22Jei vi chupe reta: Kuimbae Israel iñemuña reta, peyeapɨsaka kuae re: Tumpa oyapo pepɨte pe mɨakañɨ reta Jesús Nazaret-ɨgua rupi. Jökorai Tumpa oechauka peve Jesús añete vae ko. Kuae peikuaa katu ko pe reta.

23Kërai Jesús oñemee peve, oyembopo vaerä Tumpa jei jare oikuaa voi ma oyeapo vaerä vae yave,

36Israel iñemuña reta, peikuaa kavi kuae, jókuae Jesús peikutu kurusu re vae, añetete ko Tumpa oyapo ma yandeYarä jae Cristo ramo.”

37Kuae oendu reta yave, ipɨatɨtɨ yae reta, jare oparandu reta Pedro jare ïru temimondo reta pe:

—Tëtara reta, ¿mbae pa royapota?

38Jayave Pedro jei chupe reta:

—Peeya peyemongeta ikavimbae vae pepɨa pe penoi vae, jare peyembobautisauka metei ñavo Jesucristo jee re, Tumpa iñɨ̈ro vaerä peve peyoa reta re. Jare jae omeeta peve Espíritu Santo.

39Echa pembaerä ko Tumpa güɨrökuavee vae, peraɨ reta peguarä jare opaete mombɨrɨ ñogüɨnoi vae reta peguarä; opaete yandeYa Tumpa oenɨita vae reta peguarä.

40Jare Pedro jeta imiari jesegua jare omboarakuaa, jei reve chupe reta:

—¡Añave, peyemboasauka kuae jeko ikavimbae vae reta güi!

41Jayave Pedro jei vae güɨrovia vae reta oyembobautisauka; jare jókuae ara tres mil rupi oñemoïru oporogüɨrovia vae reta ndive.

42Jare jekuae oporogüɨrovia vae reta oyemboe avei temimondo reta iporomboe re, jare opaete metei ramiño ñogüɨnoi. Oyemboatɨ avei reta, omboyao tembíu oyoupe, jare oyerure Tumpa pe.

Oporogüɨrovia vae reta oyapo vae

43Jare opaete vae reta ipɨakañɨ yae jare okɨɨye reta, temimondo reta oyapo jeta mɨakañɨ reta vae jeko pegua.

44Jare opaete oporogüɨrovia vae reta oyemboatɨ, jare opaete imbaembae reta metei ramiñoHch 4.32-35. güɨnoi reta.

45Omee imbaembae reta, jare omboyao jepɨgüe mbaetɨ mbae güɨnoi vae reta pe.

46Jare ara ñavo oyemboatɨ avei reta tupao pe. Jare o ñavo rupi omboyao tembíu oyoupe, okaru päve reta oyerovia jare ipɨakatu reve,

47omboete reta Tumpa, jare opaete vae reta ipɨakatu jese reta. Jare ara ñavo yandeYa omoïru jae reta ndive oyemboasauka vae reta.