SAN LUCAS 6 - Guarani Bible with DC

Jesús jemimboe reta oipoo trigo ara mbutuu pe(Mt 12.1-8; Mc 2.23-28)

1Ara mbutuu pe Jesús oasa ramboeve kó rupi jemimboe reta ndive, jemimboe reta oipoo trigo, oipokɨtɨ reta jare jou.

5Jayave Jesús jei chupe reta:

—Che Kuimbaerä ayeapo vae anoi mbaepuere ara mbutuu re ave.

Kuimbae ipo jovaicho tɨpa vae(Mt 12.9-14; Mc 3.1-6)

6Jare ïru ara mbutuu pe Jesús oike judío reta itupao pe jare oporomboe. Jare joko pe oï metei kuimbae ipo iyakatu tɨpa vae.

7Jare mborookuai re oporomboe vae reta jare fariseo reta oïndaivi ñogüɨnoi, oecha vaerä Jesús ombogüerata ra ara mbutuu pe, oväe vaerä mbae re omboeko.

8Ërei Jesús oikuaa jae reta iyemongeta. Jei kuimbae ipo jovaicho tɨpa vae pe:

—Epüa eyemboɨ mbɨte pe.

Jayave kuimbae opüa oyemboɨ.

9Jare Jesús jei chupe reta:

—Taparandu peve kuae: ¿Jaekavi pa ara mbutuu pe yayapo vaerä ikavi vae ani ikavimbae vae, yaporoepɨ ani yaporoyuka vaerä?

10Jayave omae opaete iyɨpɨ rupi ñogüɨnoi vae reta re, jare jei jókuae kuimbae pe:

—Emopüa ndepo.

Jayave kuimbae ipo omopüa jare okuera voi.

11Jayave mborookuai re oporomboe vae reta jare fariseo reta iyarasɨ yae Jesús kotɨ; jare oñomomiari reta mbae ra ipuere oyapo chupe.

Jesús jemimboe reta iyeparavo(Mt 10.1-4; Mc 3.13-19)

12Jókuae ara rupi Jesús ojo ɨvɨtɨ guasu re oyerure, jare iköe joko pe oyerure Tumpa pe.

13Jare köe ma yave, oenɨi jemimboe reta. Jayave oiparavo doce chugüi reta jare jókuae reta vi ombojee temimondo reta; jae ko:

14Simón, oero Pedro pe vae, jare Simón tɨvɨ Andrés, Jacobo jare Juan, Felipe jare Bartolomé,

15Mateo, Tomás, Jacobo, Alfeo taɨ, Simón, Zelote pe oero vae,

16Jacobo tɨvɨ Judas, jare Judas Iscariote, jae ko omee Jesús jovaicho reta pe vae.

Jesús omboe jeta vae(Mt 4.23-25)

17Jayave Jesús ogüeyɨ ye ɨvɨtɨ guasu güi ipe kavía pe jae reta ndive. Jare joko pe jeta ñogüɨnoi jupiegua reta, jare jeta Judea pegua reta jare Jerusalén pegua reta jare tëta guasu Tiro jare Sidón ɨguasu jembeɨ rupigua reta. Opaete vae yogüeru oyeapɨsaka vaerä Jesús re, jare ombogüera reta vaerä imbaerasɨ reta güi.

18Jesús ombogüera vi aña oya jese vae reta oiporara vae güi.

19Jare opaete vae oipota yae opoko Jesús re. Echa jae güɨnoi mbaepuere ombogüera vaerä opaete imbaerasɨ vae reta.

Jesús iñemoñee reta(Mt 5.1-12)

20Jayave Jesús omopüa iñäka jare omae jemimboe reta re jei reve: “Peyerovia pe peparavete vae reta. Echa pembae ko Tumpa iporookuaía.

21Peyerovia añave peyɨmbɨaɨ vae reta. Echa peangapɨɨta. Peyerovia añave peyaeo vae reta. Echa pepukata.

22Peyerovia ïru vae reta pemotareɨ yave, pembosɨrɨ iyeugüi yave, jare jei ikavimbae peve ani peägüe pe, che Kuimbaerä ayeapo vae

24Ërei, ¡paravete, pe peikokatu vae reta! Echa peyerovia ma.

25¡Paravete, pe añave peangapɨɨ vae reta!, echa peyɨmbɨaɨta. ¡Paravete, pe añave pepuka vae reta!, echa pepɨatɨtɨta jare peyaeota.

26¡Paravete, pe reta opaete vae jei ikavi vae pekotɨ yave! Echa jökorai ko iñemuñagüe reta oyapo yepi ñeemombeúa raanga reta pe.

Tovaicho yaaɨu vaerä(Mt 5.38-48; 7.12)

27Ërei pe reta peyeapɨsaka cheré vae pe jae kuae: Peaɨu perovaicho reta, jare peyapo ikavi vae pemotareɨ vae reta pe.

28Peñee kavi oyepopeyu peré vae reta kotɨ; peyerure Tumpa pe indaye pekotɨ vae reta re.

29Okua nderovaɨke re vae pe, erova vi jovaicho chupe. Jare nderemimonde iarambogua opɨ̈ro ndegüi vae, emaeño vi togüɨraja nderemimonde.

30Kia oyerure ndeve mbae re vae pe, emee. Jare kia ndembaembae güɨraja ndegüi vae yave, agüɨye eeka ye chupe.

31Peipota yave ïru vae reta oyapo peve ikavi vae, peyapo ïru vae reta pe ikavi vae.

32Echa peaɨu yave peraɨu vae retaño, mbaetɨ ko jaekavi. Echa iyoa vae reta oyapo vi jökorai.

33Jare peyapo yave ikavi vae, ikavi vae oyapo peve vae reta peño, mbaetɨ ko jaekavi. Echa iyoa vae reta oyapo vi jökorai.

34Jare peiporuka yave mbae ïru vae pe, jókuae omboekovia yeta peve vae peño, mbaetɨ ko jaekavi. Echa iyoa vae reta oiporuka mbaembae ïru vae pe, jókuae oasa yeta omboekovia chupe vae pe.

35Ërei peaɨu perovaicho reta, jare peyapo ikavi vae chupe reta. Peiporuka mbae ïru vae pe jare agüɨye peäro omboekovia ye peve vaerä. Jökorai peyapo yave, Tuichagüe yae vae, omeeta peve mbae ikavi yae vae jare peapota taɨ retarä. Echa Tumpa ipɨakavi ko yasoropai mbaetɨ omee chupe vae reta pe jare jeko kavimbae vae reta pe.

36Peporoparareko, peRu Tumpa iporoparareko rami.

Agüɨye toyemboeko voi ïru vae(Mt 7.1-5)

37Agüɨye pemboeko voi ïru vae, agüɨye vaerä peyemboekouka. Agüɨye peiporarauka voi ïru vae pe mbae re, agüɨye vaerä vi peiporara. Peɨ̈ro ïru vae pe, iñɨ̈ro vaerä vi peve vae.

38Pemee mbae ïru vae reta pe, jare ïru vae reta omeeta vi mbae peve. Jae reta omeeta peve jeta yae. Echa ïru vae pe peyapo rami, oyeapota vi peve.”

39Jayave Jesús jei chupe reta ombojaanga reve: “¿Metei jesambae vae ipuere pa oipoko ïru jesambae vae? ¿Ngaraa pa mókoi reve oa reta ɨvɨkua pe?Mókoi o iguapɨka reta(Mt 7.24-27)

46¿Maera pa pere cheve: ‘OreYa, oreYa.’ Peyapombae reve che jae peve peyapo vaerä vae?

47Oime yave kia ou oyeapɨsaka cheré jare oyapo che jae chupe vae, tambojaanga peve körai:

48Jae ko metei kuimbae jorä omopüa vae rami. Jo omopüa yave oyoo kɨ̈pe oñono vaerä iguapɨkarä ita re. Jare ɨporu ou yave, ɨ ou oyererokua tätagüe jókuae o re, ërei mbaetɨ omomɨi, echa ita re oï iguapɨka.

49Ërei oyeapɨsaka cheré vae mbaetɨ oyapo che jae chupe oyapo vaerä vae yave, jae ko kuimbae omopüa jorä iguapɨkambae ɨvɨ re vae rami. Jare ɨporu ou yave oyererokua tätagüe jókuae o re yave jupiveiño oitɨ; jare opaetei oyemboai jókuae o.”