1Kuae ko jae yandeYa iñee ou Joel pe vae. Joel ko Petuel taɨ.
2Tenondegua reta jare opaete kuae ɨvɨ pegua reta, peendu kuae:
¿Peara rupi ani peru reta iara rupi, oasa pa kuae nunga mbae?
3Kuae regua pemiari peraɨ reta pe,
jare jae reta timiari vi taɨ reta pe kuri,
jare jókuae taɨ reta timiari vi kuri iñemuña reta pe.
4Tasoa oeyagüe jou tuku raɨ,
tuku raɨ oeyagüe jou
tuku oveve pota ma vae, tuku oveve pota ma vae oeyagüe jou tuku tuichagüe reta.
5¡Osavaɨpogüe reta, pepa jare peyaeo!
¡Peräse peyaeo, opaete vino iua reta,
peyaeo uva tɨgüegüe re,
echa oñepïro pegüi!
6Echa metei tëta imbaepuere yae vae jare jetagüe yae vae oike cheivi pe;
jäi yaguapope jäi nunga,
jare jäi-rugua yaguapope jäi-rugua nunga.
7Opa omboai yandeuvarupa reta, jare yandeiva reta opa güírokomegua; opaetei oitio oeya; jäka opaetei oikäo oeya.
8Peyaeo, kuñatai ime omano vae re oyaeo rami
jare peyemonde temimonde mbiatiti pegua pe,
9jökorai oyaeo sacerdote yandeYa jembiokuai reta,
echa tupao pe mbaeti ma temiti jäigüe
jare mbota vino oyepiyere vae,
Tumpa pe mbota oñemee vaerä.
10Ipombae opita ivi, ipiatiti oï;
echa trigo opa okañitei,
opa otini uva tigüegüe,
jare olivo iasaite opa yandegüi.
11Pepɨatɨtɨ maetɨ regua reta;
peräse uva iya reta;
peyaeo trigo re jare cebada re,
echa temitɨ opa okañɨtei ko rupi.
12Uva opa ipiru, ɨva opa yɨpi;
temitɨ granada vi, ake jare manzana;
opaetei ɨvɨra ñana rupigua yɨpi,
¡jáeramo opa kuimbae reta
Who We AreWhat We EelieveWhat We Do
2025 by iamachristian.org,Inc All rights reserved.
