SANTIAGO 1 - Guarani Bible with DC

Tamaraeme

1Che ko Santiago,Mt 13.55; Mc 6.3; Hch 15.13; Gl 1.19. Tumpa jare yandeYa Jesucristo jembiokuai. Amondo tamaraeme doce ñemuña Israel pegua reta oñemoai1 P 1.1. ñogüɨnoi vae pe.

Arakuaa Tumpa güi ou vae

2Cherɨvɨ reta, jeieteño peyerovia oime yave opaño mbae nunga mbaemboavai ou peve.

3Echa peikuaa ko mbaemboavai ou peporogüɨrovia re vae ombokuakuaa pepɨaguasu.

4Ërei pemaeño jókuae pepɨaguasu tokuakuaa kavi, peiko vaerä jupi rupi, oatambae reve peve mbae ave.

5Oime yave pegüi reta pe oata arakuaa vae, toiporu Tumpa pe. Jae omeetaPr 1—9; Stg 3.13-17. opaete pe jeta rupi jare iñeengetambae reve.

6Ërei oyerureta ko mborogüɨrovia reve, agüɨye eteita oyerure güɨrovia eteä reve. Echa güɨrovia eteä vae ɨaparúa rami ko. Jókuae ɨvɨtu oyepeyu yave, kotɨ kotɨ güɨraja vae rami.Mt 7.7-11; Jn 16.23-24.

7Jókuae nunga, agüɨye toäro yandeYa omeeta ko mbae chupe.

8Echa iyemongeta oipoepɨ katu vae, mbaetɨi metei reño iyemongeta.

9Oporogüɨrovia vae iparavete vae, toyeroviaJer 9.24. Tumpa ombotuicha yave,

10ërei oikokatu vae toyerovia Tumpa omomichi yave. Echa oikokatu vae ñana ipotɨ ramiño ko, mbaetɨ ɨma oiko.

11Kuaraɨ oë jare jakuvo yae yave, ñana ipiru, ipotɨ opa osururu jare ipöraIs 40.6-7. okañɨtei. Jökorai ko oikokatu vae okañɨtei imbaembae ipɨte pe.

Mbaemboavai omoamɨri vae regua

12Oyerovia ko jókuae kuimbae omoamɨri mbaemboavai ou chupe yave vae. Echa ipɨ̈rata reve omoamɨri vae pe oñemeeta tekove opambae vae, yandeYa güɨrökuavee omee vaerä opaete güɨnoi mboroaɨu ikotɨ vae reta pe.

13Kia nunga vae oñeväe mbaeyoa iparea pe yave, agüɨye toyemongeta Tumpa güi ko ou chupe jókuae. Echa Tumpa mbaetɨi ko oyapo ikavimbae, jare jae mbaetɨ vi kia pe oyapouka mbae ikavimbae.

14Ërei metei vae ñavo ko ipɨa jemimbota pe oyererajauka jare oyembotavɨuka.

15Jayave, pɨa jemimbota güeru mbaeyoa. Jare mbaeyoa oyeapo yave güeru mano.

16Cherɨvɨ aaɨu vae reta, agüɨye pembaeyavɨ.

17Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.Nm 23.19; Mal 3.6.

18Jae oipota ramo, yandeapo taɨ retarä iñee añete1 P 1.23. vae rupi, yaiko vaerä mbaagüɨyerɨpɨ rami chupeguarä opaete jembiapo güi.

YandeYa jeigüe yayapo vae regua

19Jáeramo, cherɨvɨ aaɨu vae reta, opaete toïndaivi oyeapɨsaka vaerä, agüɨye mbae tei rai voi, agüɨye tiyarasɨ rai voi,

20echa iyarasɨ vae ngaraa oyapo jupi vae Tumpa omboyerovia vae.

21Jáeramo peeya opaete pɨ̈chɨi vae jare opaete ikavimbae vae. Jare perovia peñemomichi reve ñee pepɨa pe oñeñono vae, echa jókuae ñee ko pemboasaukata.

22Ërei peyapo ñee peendu vae. Agüɨye peenduiño. Echa peenduiño yave peyembotavɨta ko pe aeño.

23Kia nunga vae, ñee oendu jare mbaetɨ oyapo oendu vae yave, jae ko epeo pe omae iyé vae rami.

24Omae iyé jare ojo, ërei joko güi ojo ñoete, ñakañɨ kërai ko jova vae güi.

25Ërei kia nunga vae omae kavi mborookuai ikavi yae vae jare oporoyora vae re vae jare oiko jókuae rupi, mbaetɨ iñakañɨ ngatu oyapo vaerä mborookuai jei vae yave, oyerovia ko jókuae oyapogüe re.

26Kia nunga vae iporogüɨrovia ikavi yae omae iyé vae, ërei jei rai rai voi mbae yave, oyembotavɨ ko, iporogüɨrovia mbaeä etei ko.

27Mborogüɨrovia ikavi jare ikɨambae yandeRu Tumpa jóvai vae, jae ko: Yamborɨ tɨ̈reɨ reta jare imemano vae reta oiporara ñogüɨnoi vae, jare yayeangareko ɨvɨ pegua ikavimbae vae güi.