1YandeYa jei ye mokoía ma Jonás pe:
2“Epüa, ekua tëta guasu Nínive kotɨ jare emoërakua cheñee joko pe, amombeuta ndeve vae.”
3Jare Jonás opüa ojo Nínive pe, yandeYa jei chupe rami. Nínive ko jae tëta guasu tuicha yae ete vae, mboapɨ ara yaguata jupi vae.
4Jonás omboɨpɨ oike tëta guasu rupi, tenondegua ara pe omboɨpɨ oñemoñee, jei körai: “¡Mase, kuae güi cuarenta araa pe Nínive okañɨteita!”
5Jare kuimbae reta Nínive pegua güɨrovia Tumpa re, jare omoërakua reta opaete vae oyekuaku vaerä tembíu güi jare oyemonde reta vaerä temimonde mbɨatɨtɨ pegua pe,Mt 12.41; Lc 11.32. oikokatu vae reta güive jare paravete vae reta.
6Jare jókuae jërakua mburuvicha guasu Nínive pegua pe, jare opüa jenda güi omboi jemimonde jare oñeapeva temimonde mbɨatɨtɨ pegua pe, jare oguapɨ tanimbu re ipɨatɨtɨ güi.
7Jare omoërakuauka jare omombeuka Nínive pe, mburuvicha guasu jare imborɨka reta iporookuai rupi, jei körai: “Kuimbae reta jare mɨmba reta, güeye reta jare vecha reta, agüɨye ave mbae tou reta; agüɨye toñemee tembíu ani ɨ ave chupe reta.
8Jaeño peñeapeva temimonde mbɨatɨtɨ pegua pe, jare pesapúkai täta yeyé Tumpa pe; jare metei ñavo vae toyepoepɨ jeko kavimbae güi jare jembiapo ikavimbae güi.
9Mbaetɨ yaikuaa Tumpa oipoepɨta ra iyemongeta iyarasɨ güi, agüɨye vaerä ñakañɨtei.”
10Jare Tumpa oecha jae reta oyapogüe, kërai oyepoepɨ reta jeko kavimbae güi vae; jare oipoepɨ iyemongeta ikavimbae oyapota tëi chupe reta vae, jare mbaetɨ oyapo.
Who We AreWhat We EelieveWhat We Do
2025 by iamachristian.org,Inc All rights reserved.
