1¡YandeYa jae ko Mburuvicha guasu!
¡Toyerovia opaete ɨvɨ!
¡Toyerovia opaete tëtaguasu reta ɨguasu jembeɨ rupigua!
2Amapɨtu pɨtumimbi vae oñova güɨnoi;
iguapɨa imomɨ̈rataa jae ko mbaejupi jare añete vae,
3tata ojo jae jenonde,
jare opata oapɨ iyɨ́vɨri tovaicho reta ñogüɨnoi vae.
4Iama-vera reta omboesape ɨvɨ;
¡jókuae oecha yave kuae ɨvɨ okana!
5Ɨvɨtɨ guasu reta tɨkui iraitɨ rami yandeYa jóvai,
kuae ɨvɨ iya jóvai.
6Ara reta omoërakua jae jupi ko vae,
opaete tëta reta oecha iyemboetea.
7Imara reta opaete tumpa-raanga imboetea,
oyemboete jókuae re vae reta.
¡Opaete tumpa-raanga reta oa jae jóvai!
8CheYa Tumpa,
Sión jare tëta reta Judá pegua oyerovia yae
mborookuai remee vae re;
9echa, nde cheYa, Tuichagüe yae ete vae ko opaete ɨvɨ re,
ndetuicha yae ko opaete
tumpa-raanga reta güi.
10Pe reta, yandeYa peaɨu vae reta, peröɨro ikavimbae;
jae oyangareko chupe oñeñono tee vae reta re;
jae oepɨ iyoa vae reta ipo güi.
11Tembipe oyekuaa jupi vae reta peguarä,
jare yerovia katu ipɨa jupi vae reta peguarä.
12¡Kuimbae jupi vae reta,
peyerovia katu yandeYa re!
¡Pemboete jee ikɨambae!
Who We AreWhat We EelieveWhat We Do
2025 by iamachristian.org,Inc All rights reserved.