1¡Nderee emboeteuka oreYa!
¡Agüɨye ore toroyemboeteuka!
¡Emboeteuka ndeporoparareko jare neñee añete vae!
2¿Maera pa añave jeita Tumpa re güɨroviambae reta:
“Jama pa peTumpa”?
3Nde, oreTumpa oime reï ara pe,
nde reyapo ndepɨa oipota rami.
4Jae reta itumpa reta ko oro pegua jare korepoti peguaño,
kuimbae reta jembiapoño:
5Oime iyuru, ërei mbaetɨ imiari,
oime jesa reta, ërei mbaetɨ oecha,
6oime iyapɨsa, ërei mbaetɨ oendu,
oime itï, ërei mbaetɨ oëtu reta;
7oime ipo reta, ërei mbaetɨ ipuere mbae oyavɨkɨ;
oime ipɨ reta, ërei mbaetɨ oguata;
¡mbaetɨ mbae nunga ñee ave yepe oë iyaseo güi!
8Jae reta rami etei ko iyapoa reta,
jare vi güɨrovia jese vae reta.
9Israel iñemuña reta,
¡peyeko yandeYa re!
Jae ko pemborɨ jare peangareko vae.
10Aarón iñemuña sacerdote reta,
¡peyeko yandeYa re!
Jae ko pemborɨ jare peangareko vae.
11Pe, peipoɨu yandeYa güi vae reta, ¡peyeko yandeYa re!
¡Jae ko pemborɨ jare peangareko vae!
12¡YandeYa imaendúa yanderé, iporerekuata ko yanderé!
Iporerekuata ko Israel iñemuña reta re,
iporerekuata ko Aarón iñemuña sacerdote reta re,
13iporerekuata ko oipoɨu chugüi vae reta re,
paravete vae reta re jare oikokatu vae reta re.
14¡YandeYa omoïruta ko iporerekua peré,
peré jare peraɨ reta re!
15¡YandeYa ara jare ɨvɨ iyapoa, tiporerekua peré!
16Ara reta yandeYa imbae ko,
jare ɨvɨ omee kuimbae reta pe.
17Omanogüe reta ngaraa ma omboete yandeYa,
omanogüe reta ñogüɨnoia pe yogüɨraja ma vae reta;
18ërei yande yamboeteta yandeYa,
añave güive jekuae avei rupi.
¡Aleluya!
Who We AreWhat We EelieveWhat We Do
2025 by iamachristian.org,Inc All rights reserved.
