1Moisés oyeupi ñuu Moab güi, ɨvɨtɨ guasu Nebo jee vae kotɨ ɨvɨtɨ Pisga jee vae iyapɨte re, Jericó jóvai oï vae; jare yandeYa oechauka chupe opaete ɨvɨ Galaad güive Dan iɨvɨ kotɨ,
2opaete Neftalí, Efraín jare Manasés iɨvɨ, jare opaete Judá iɨvɨ güive Ɨguasu Mediterráneo kotɨ,
3ɨvɨ Neguev, opaete ɨvɨ ipe kavi vae, Jericó iɨvɨ kavi, jae ko tëta guasu karandaɨ renda, joko güive Zoar kotɨ.
4Jare jei chupe yandeYa:
“Kuae ko jae ɨvɨ arökuavee cheree re Abraham,Gn 12.7. IsaacGn 26.3. jare JacobGn 28.13. pe vae, jae chupe körai: ‘Neñemuña reta pe ameeta.’ Amaeño reecha etei vaerä nderesa pe, ërei ngaraa reasa jokotɨ.”
5Jare jókuae ɨvɨ Moab pe omano Moisés yandeYa jembiokuai, yandeYa jei rami,
6jare jae oñotɨ ɨvɨ Moab pe, ɨvɨtɨ päu ipe kavía pe, Bet-peor jóvai; jare jókuae güive mbaetɨ metei ave oikuaa kia pe ko oñeotɨ vae.
7Moisés omano ciento veinte año güɨnoi yave; mbaetɨi jäve omae jare oikove katu avei.
8Jare Israel iñemuña reta oäpiro Moisés, treinta ara ñuu Moab pe; jökorai omboapɨ reta yaeo jare mbɨatɨtɨ Moisés kotɨ.
9Jare Josué, Nun taɨ ipɨa arakuaa yae opɨta, echa Moisés oñono ipo jese; jare Israel iñemuña reta güɨrovia katu jese, jare oyapo reta yandeYa oyókuai MoisésNm 27.18,23; Jos 1.16-18. vae rami.
10Jare mbaetɨ ye ma opüa ïru ñeemombeúa Israel pe Moisés rami vae, jae ndive yandeYa imiari oyoova pe etei vae,Ex 33.11; Nm 12.6-8; Dt 18.15-18; Hch 3.22-23.
11mbaetɨ ye kia jae rami oyapo opaete mɨakañɨ reta vae, yandeYa omondo oyapo vaerä ɨvɨ Egipto pe, Faraón pe vae, jare opaete jembiokuai reta pe, jare opaete iɨvɨ rupi,
12jare mbaepuere tuicha yae vae pe, jare opaete mɨakañɨ guasu yavaetegüe Moisés oyapo opaete Israel iñemuña reta jovake vae pe.
Who We AreWhat We EelieveWhat We Do
2025 by iamachristian.org,Inc All rights reserved.
