1Kuae ɨvɨ pe oime opaete mbaembae oyeapo vae iara; opaete mbaembae oyeapo vae oime iora:
2Oime ara, michia raɨ oa vaerä,
jare oime vi mano iara.
Oime ara, ñamaetɨ vaerä,
jare oime vi mbaarɨvo iara.
3Oime yeyuka iara,
oime vi ñaporopoano vae iara.
Oime ara, mbae yamboai vaerä,
oime vi ara, mbae ñamopüa vaerä.
4Oime ara, yayaeo vaerä,
oime vi ara, yapuka vaerä.
Oime ara, ñaporoäpiro vaerä,
oime vi ara, yapɨrae vaerä.
5Oime ara, ita yamombo vaerä,
oime vi ara, ita yamboatɨ vaerä.
Oime ara, yayoaɨu vaerä,
oime vi yombosɨrɨ iara.
6Oime ara, mbae yaeka vaerä,
oime vi ara, ñanemaekañɨ vaerä.
Oime ara, mbae ñañovatu vaerä,
oime vi ara, mbae yamombo vaerä.
7Oime ara, mbae yamondoro vaerä,
oime vi ara, mbae yambovɨvɨ vaerä.
Oime ara, ñanekïrii vaerä,
oime vi ara, ñanemiari vaerä.
8Oime ara, yaporoaɨu vaerä,
oime vi ara, ñaporomotareɨ vaerä.
Oime ñeraro iara,
jare oime vi mbɨakatu iara.
9¿Mbae pa oväe jókuae oparavɨkɨ vae, jókuae oyemoambeko mbatee jese vae güi?
10Che aecha mbaravɨkɨ Tumpa omee kuimbae reta pe vae, oyemokangɨi pɨpe vaerä.
11Jae ipöra oyapo opaete iara pe kavi; oñono vi kuimbae reta ipɨa pe oiko avei ko vae, yepe tëi mbaetɨ opaete oikuaa reta Tumpa oyapo iyɨpɨ güive vae, jare oyapota vae.
12Che aikuaa kuimbae pe jaekavi vae, jae ko oyerovia jare oiko kavi vaerä,
13echa Tumpa ko omee yandeve yakaru kavi vaerä, jare yayekou vaerä opaete yandeparavɨkɨagüe re.
14Aikuaa vi opaete Tumpa oyapo vae oiko aveita ko.Sal 33.11. Jókuae ngaraa etei oñemoïru, ani oñepɨ̈ro chugüi, echa Tumpa ko oyapo jökorai; opaete vae güɨnoi vaerä mboromboete ikotɨño.
15Mbaetɨta mbae ipɨau vae oyekuaa, oimeño mai vae güi, mbaetɨta mbae ipɨau vae oyeapo, oyeapo ma vae güi. Tumpa ko omboaɨkuere ye jókuae oasagüe.
Jupimbae yae yandeve vae16Aecha vi kuae ɨvɨ pe: Añete vae jekovia pe, teko kavimbae, jupi vae jekovia pe, jupimbae.
17Jare jae cheyeupe: “Tumpa ojäata jupi vae jare jupimbae reta, echa oime ara, opaete mbaembae peguarä jare oyeapo vaerä.”
18Jae ye vi cheyeupe: “Tumpa oechauka güɨnoi kuimbae reta pe, oikuaa reta vaerä vi, jae reta mɨmba reta ramiño ko vae.”
19Echa añetete kuimbae reta jare mɨmba reta oyovakeño ko; kuimbae reta omano jare mɨmba reta omano vi;Sal 49.12,20. oyovakeño ko oikove opaete vae; kuimbae mbaetɨ puku jekove mɨmba reta güi; opaete kuae mbaeä etei ko.
20Opaete vae meteia kotɨño yogüɨraja; ɨvɨkúi güi oyeapo opaete vae, jare ɨvɨkuirä opaete vae ojo yeta.Gn 3.19; Job 34.15.
21¿Kia pa oikuaa kuimbae reta jekove ojota ko ɨvate vae, jare mɨmba reta jekove ojota ko ɨvɨgüɨ kotɨ vae?Ec 12.7.
22Jökorai, aikuaa kuimbae pe jaekavi yae vae, jae ko oyerovia vaerä iparavɨkɨagüe re, echa jae ko jókuae iparavɨkɨagüe jekovia; echa omano güire mbaetɨ yeta kia güeru oecha vaerä mbae ra ko oasata jaɨkue rupi vae.
Who We AreWhat We EelieveWhat We Do
2025 by iamachristian.org,Inc All rights reserved.
