ECLESIÁSTICO 4 - Guarani Bible with DC

1Cheraɨ, agüɨye epuka kia ipɨatɨtɨ oiko vae re,

jare agüɨye enoti kia täta oiporara oï vae.

2Agüɨye emaeño toiporara kia oikoyepe oiko vae,

jare agüɨye eñemi kia oa pota oï vae güi.

3Agüɨye eiporarauka kia ipɨatɨtɨ oï vae pe,

jare agüɨye eikuaku yemborɨ paravete vae güi.

4Agüɨye eröɨro kia ipɨtu oiko vae yemborɨ oeka ndeve vae,

5jare agüɨye emee chupe oyepopeyu vaerä nderé.

6Reyandu revɨaä jare ndepɨakaviä reï yave esapúkai,

yandeApoa oenduta ko ndesapúkai.

7Eyeaɨuka ïru vae reta pe,

jare emboete mburuvicha reta.

8Eyeapɨsaka kavi paravete vae re,

jare ndepɨatäta mbae reve emboyevɨ chupe iporomboete.

9Eroasayepe oporoaporai oï vae güi oyeaporaiuka oï vae,

jare agüɨye eipoɨu reve vaerä jupigüe vae.

10Eiko tɨ̈reɨ reta pe tu rami,

jare imemano vae reta pe ime rami.

Jare jökorai ko yave Tumpa cheraɨ jeita ndeve,

nderaɨuta jare ndereroasayepeta susere güi.

Tekopo arakuaa pegua

11Arakuaa omboikatuta kia ñavo oeka vae reta;

jare güɨroatata taɨ ae reta rami.

12Kia ñavo oaɨu vae, tekove ko oaɨu;

kia ñavo täta oeka vae, ipöra Tumpa pe.

13Kia ñavo oñovatu vae, güɨnoita yemboete chugüi;

oipota rupi yogüɨrekoa pe, Tumpa omeeta oiko kavi vaerä.

14Oyeokuai chupe yave Tumpa ikɨambae vae pe ko oyeokuai oï;

Tumpa oaɨu kia iporoaɨu ikotɨ vae.

15Kia ñavo oikovekatu chupe vae, ojäata tëta reta;

kia ñavo oyapo jeigüe yave, oikota jae jëta pe.

16Ombojaangaiño reve oguatata jae ndive.

17Tenonde ombojaangata räri,

jare yangapɨɨ kavi ma ipɨa reve jese yave,

18oyerovata ikotɨ güɨraja vaerä jare omboyekuaata chupe oñomi güɨnoi vae.

19Ërei jae opia yave, güɨröɨrota

jare jaema omondota okañɨtei vaerä.

Ani ndembaepoɨu ani eyembotuicha

20Cheraɨ, emae mbae oï ndeɨ́vɨri vae re jare eñemoata ikavimbae güi,

agüɨye vaerä ndeiño reñemomarai.

21Echa oime ko oï mara güeru mbaeyoa vae,

jare ïru mara oporombotuicha vae jare oporomoërakua kavi vae.

22Agüɨye kia eiparareko ndeyeugüi räri,

jare agüɨye ndembaepoɨu mbatee nde aeño reyemboavai vaerä.

23Agüɨye ndeapɨ nemiari oimeño rere vaerä yave

jare agüɨye eñomi ndearakuaa.

24Echa arakuaa yaikuaa ko ñanemiari yave,

jare pɨarakuaa, ñamee yamboyevɨgüe yave.

25-26Agüɨye neñee reenduä añetegüe pe,

agüɨye eñoraro jaekaviä reve.

Agüɨye nemara emombeu ndembaeyavɨ;

tanemara mbae reikuaambae güi.

27Agüɨye eñemomichi metei iyarakuaambae jóvai,

ërei ani eñemoäteɨ oporookuai vae reta pe.

28Eñoraro jupigüe re k remano regua,

jare Tumpa oñorarota ko nderekovia pe.

29Agüɨye neñeeäta nemiari yave,

ani ndepɨtu jare reñemoäteɨ reyapogüe pe.

30Agüɨye eiko yaguapope rami m nerëtara reta ndive,

jare eipoɨu reve nderembia reta ndive.

31Agüɨye ndepo embopuku enoi rembaepɨɨ vaerä,

jare remboapúa remee vaerä.