1Opaete Israel iñemuña reta yogüɨraja ñuu Sin güi mbegüe pe, yandeYa oyókuai reta rami, jare opa yogüɨraja opɨta Refidim pe; jare mbaetɨ ɨ jou reta vaerä.
2Javoi iñeengeta reta Moisés pe, jei reta chupe:
—¡Emee ɨ rou vaerä!
Jare Moisés jei chupe reta:
—¿Maera pa peñeengeta cheve? ¿Maera pa pejäa yandeYa?
3Jökorai iɨuve reta joko pe, jare iñeenguru reta Moisés kotɨ, jei reta chupe:
—¿Maera pa orerenoe Egipto güi? ¿Orereru oreyukauka vaerä ɨuve pe, ore, oreraɨ reta jare orerɨmba reta vi?
4Jayave Moisés oyerure yandeYa pe, jei:
—¿Mbae pa ayapota kuae reta ndive? ¡Echa jökoraiño yave, cheapi retata cheyuka ita pe!
5YandeYa jei Moisés pe:
—Easa jae reta jóvai, eraja nderupíe Israel iñemuña itenondegua reta, jare eraja vi ndepo pe ndepopoka, ɨ̈aka re reiporu vae, jare ekua.
6Che aïta nderóvai ɨ̈vavira re, ɨvɨtɨ Horeb re; jare eiporu ɨ̈vavira re, jare oëta ɨ chugüi, jare opaete vae reta oɨuta.
Jare Moisés jökorai oyapo, Israel iñemuña itenondegua reta jovake,
7Jare ombojee reta jókuae ɨ oëa, Masah jare Meriba, echa Israel iñemuña reta iñeengeta jeko pegua ojäa reta yandeYa, echa jei reta: “¿Oime pa yandeYa oï yande ndive ani mbaetɨ pa?”
Ñeraro Amalec iñemuña reta ndive8Jayave Amalec iñemuña reta oporepeña Israel iñemuña reta re Refidim pe.
9Jare Moisés jei Josué pe:
—Eiparavo yandeve kuimbae reta, jare ekua eñeraro Amalec iñemuña reta ndive; pɨareve che aïta ɨvɨtɨ guasu iyapɨte re. Tumpa omee cheve popoka vae anoita chepo pe.
10Josué oyapo Moisés jei chupe rami, oë oñeraro Amalec iñemuña reta ndive; jare Moisés, Aarón jare Hur oyeupi ɨvɨtɨ iyapɨte re.
11Moisés iyɨva omopüa güɨnoi yave Israel iñemuña reta oporomoamɨri; ërei iyɨva ombogüeyɨ yave Amalec iñemuña reta oporomoamɨri.
12Moisés iyɨva ikangɨ; jökorai ramo oeka reta jendarä ita jare oguapɨ jese, jare Aarón jare Hur oipɨɨ Moisés iyɨva rovaicho ñavo pe, jökorai ipo omopüa güɨnoi kuaraɨ oike regua,
13jare Josué omoamɨri Amalec iñemuña reta kɨsepuku pe.
14Jayave yandeYa jei Moisés pe:
—Kuae eikuatía metei tembikuatía pe yemomaenduarä; jare ere Josué pe, che amboaita opaetei Amalec iñemuña reta ara igüɨ güi vae.
15Jare Moisés oyapo metei mɨmba oyeyuka oyeapɨ jese vae, jare ombojee “yandeYa-nissi,”
16jare jei:
“¡Amalec iñemuña reta opüa
yandeYa iguapɨka kotɨ jeko pegua!
¡YandeYa güɨnoita ñeraro Amalec
iñemuña reta ndive jekuae avei pegua!”
Who We AreWhat We EelieveWhat We Do
2025 by iamachristian.org,Inc All rights reserved.
