1Opaete kuaekuae re añeñono aikuaa vaerä vae ko jae: Jupi vae reta, yarakuaa vae reta jare jembiapo reta Tumpa ipo pe ko ñogüɨnoi;Pr 16.1,9; 19.21. mboroaɨu jare moromotareɨ mbaetɨ ave oikuaa kuimbae reta, yepe tëi jae reta oecha etei.
2Opaete vae oyovakeño ko maratuta oasa: Jupi vae jare jupimbae vae, jeko kavi vae jare jeko kavimbae, ikɨambae vae jare ikɨa Tumpa jóvai vae, mɨmba oyeyukagüe omee vae jare mbaetɨ omee vae; jökoraiño vi iyoambae jare iyoa vae, Tumpa jee re jei vae jare oipoɨu Tumpa jee re jei vae.
3Kuae ikavimbae yae vae ko oime oyeapo kuae ɨvɨ pe: Opaete vae oyovakeño ko omanota. Ïru yé jae ko kuimbae reta oyemongeta ikavimbae reño jare arakuaambae reño, opaete ara oikove oiko ramboeve, jare jökoraita opa omano.
4Yaikoveño ramboeve, oimeño ñaï kavi vaerä, echa yaɨmba oikoveño vae ko ikavi yeño yaguapope omanogüe güi.
5Echa oikoveño vae reta oikuaa ñogüɨnoi omanota ko vae, ërei omanogüe reta mbaetɨ etei mbae oikuaa, mbaetɨ etei ma mbae omongana reta; echa opaetei ko iñakañɨ chugüi reta vae.
6Joko pe vi opa iporoaɨu, iporomotareɨ, iñemoägüɨro, jare ngaraa ye ma mbae oyapo reta kuae ɨvɨ pe oyeapo vae.
7Jayave, ekaru kavi ndepɨayerovia reve; echa ndeparavɨkɨ omboyerovia ko Tumpa.
8Opaete ara rupi eyemonde avei temimonde tïi vae pe, jare eñono avei neäka re mbae ikäti kavi vae.
9Evɨakatu avei jókuae kuña reaɨu vae ndive,Pr 5.15-19. opaete ara michi peguaño mbaeä etei reikove ramboeve kuae ɨvɨ pe; jae ko kuae opaete ndeparavɨkɨ reyemoambeko jese kuae ɨvɨ pe vae jekovia.
10Opaete mbae renoi reyapo vaerä vae, eyapo ndepuere rupi; echa omanogüe reta ñogüɨnoia pe, jókuae reotaa pe, mbaetɨ etei mbae oyeapo, mbaetɨ mbaravɨkɨ, mbaetɨ yemboe tuichagüe, mbaetɨ arakuaa ave.
Mbae jupimbae yae vae11Kuae ɨvɨ pe jekuae aecha ye vae jae ko: Mbaetɨ iñäkua yae vae retaño oporomoamɨri, mbaetɨ jëia yae vae retaño oporomoamɨri; mbaetɨ yarakuaa vae retaño güɨnoi tembíu, mbaetɨ yarakuaa katu vae retaño oikokatu, mbaetɨ jeta oyemboe vae retaño imboetea yae; echa opaete kuae reta pe oväe väei ko iara.
12Ïru yé jae ko, mbaetɨi kia oikuaa kërai yave ko maratuta oiko vae: Jevae reta oa pɨsa pe rami, güɨra reta oa ñuai pe rami, jökorai kuimbae ámope iparanoe oa ikavimbae pe.
13Kuae ɨvɨ pe aecha vi arakuaa katu ikavi yae vae, jae ko:
14Metei tëta michi vae, mbaetɨ jeta yogüɨreko pɨpe vae re oporepeña metei mburuvicha guasu, jare opa oikëse oñono ɨvategüe yeupika jese.
15Jare joko pe oiko metei kuimbae paravete vae, ërei yarakuaa yae vae, jae oepɨ iyarakuaa katu rupi jókuae tëta, ¡ërei mbaetɨ kia imaendúa jókuae kuimbae paravete vae re!
Arakuaa ko ikavi yae vae16Jayave che jae: “Arakuaa katu ko ikavi yae mbaepuere ñanoi vae güi,Pr 24.5. yepe tëi paravete vae iyarakuaa katu oñereröɨro chugüi ani iñee re ave mbaetɨ kia oyeapɨsaka vae.”
17Yarakuaa vae iñee kavi,
ikavi yae ko mburuvicha guasu iñeeäta yarakuaambae reta ipɨte pe vae güi.
18Arakuaa ko ikavi yae ete tembiporu ñeraro pegua güi.
Ërei metei mbae yayavɨ vae güɨrokomegua jeta mbae ikavi vae.
Who We AreWhat We EelieveWhat We Do
2025 by iamachristian.org,Inc All rights reserved.
