1Filisteo reta oñeraro Israel iñemuña reta ndive, jare Israel iñemuña reta opa otekuarai filisteo reta güi, jare jeta omano ɨvɨtɨ Gilboa pe.
2Jare filisteo reta oaɨkuemoña Saúl jare taɨ reta, jare oyuka reta chugüi taɨ reta Jonatán, Abinadab jare Malquisúa.
3Javoi jeiete yae ñeraro Saúl kotɨ, jare uvɨ regua reta oupitɨ jare oñɨvo.
4Jayave Saúl jei iyeopiaka ivoɨa pe: “Eekɨ ndekɨsepuku javoi chekutu pɨpe, agüɨye vaerä yogüeru kuae Tumpa re güɨroviambae reta oyuvanga cheré.”
Ërei iyeopiaka ivoɨa mbaetɨ oipota echa okɨɨye yae. Jayave Saúl oipɨɨ ikɨsepuku jare oa jese.
5Yeopiaka ivoɨa oecha yave Saúl omano, jae oa vi ikɨsepuku re jare oyeyuka.
6Jökorai omano reta jókuae ara Saúl jare mboapɨ reve taɨ jare opaete jëtara reta vi.
7Jare opaete Israel iñemuña reta yogüɨreko ɨvɨtɨ päu ipe kavi rupi vae, oecha opa otekuarai vae, jare Saúl mboapɨ reve taɨ ndive opa omano yave, omombo oeya reta tëta guasu jare opa otekuarai. Jayave filisteo reta yogüeru oväe joko pe jare opɨta yogüɨreko reta pɨpe.
8Pɨareve pe filisteo reta yogüɨraja oekɨ vaerä mbaembae omanogüe reta güi yave, oväe reta Saúl jare taɨ reta jëogüegüe oyepɨso ñogüɨnoi ɨvɨtɨ Gilboa pe.
9Jayave omboi reta chugüi jemimondegüe jare oyasɨa güɨraja reta iñäkagüe, jare jembiporu ñeraro pegua, javoi omondo reta ñee jerajaa reta opaete filisteo reta iɨvɨ rupi, omoërakua vaerä opaete vae pe jare itumpa reta pe.
10Jare oñono reta Saúl jembiporugüe itumpa-raanga reta itupao pe, jare iñäkagüe ombosavava Dagón itupao pe.
11Jare tëta Jabes, Galaad pegua reta oikuaa filisteo reta kërai oyapo Saúl yave,
12opaete kuimbae jëia vae reta opüa jare yogüɨraja reta güeru Saúl jare taɨ reta jetegüe Jabes pe, joko pe oñotɨ reta ikägüegüe ɨvɨra encina jee vae igüɨ pe. Javoi oyekuaku reta tembíu güi chiu ara.
13Jökorai omano Saúl ipɨapochɨ jeko pegua, echa ñäteɨ oyapo yandeYa oyókuai tëi oyapo vaerä vae.1 S 13.8-14; 15.1-24. Jare yandeYa jei vae mbaetɨ oyapo, jare ojo oparandu maratuta vae imombeúa pe ramo,Lv 19.31; 20.6; 1 S 28.7-8.
14oparandu vaerägüe yandeYa pe. Jáeramo yandeYa oekɨ chugüi jekove, jare mborookuaía omee David, Isaí taɨ pe.
Who We AreWhat We EelieveWhat We Do
2025 by iamachristian.org,Inc All rights reserved.
