1Iyarakuaambae reta oäro raangaiño ko yogüɨreko mbae;
mbaɨu omee yarakuaambae reta ipeporä.
2Mbaɨu re yarovia vae
jae ko kuaraia yaipota yaipɨɨ rami ani ramo ɨvɨtu ñamoña rami ko.
3Kia ipaɨu pe mbae oecha vae mbae iägüeño ko,
metei yanderova epeo pe oyeecha vae rami ko.
4Ngaraa mbae ikɨambae ipuere oë ou ikɨa vae güi;
metei äve añetegüe ngaraa ipuere ou apu güi.
5Ipaye vae reta, mbae oikota vae re omboya vae, mbaɨu reta jae ikavimbae vae reta,
kuña imembɨ oata oï vae mbae ia oecha jaanga rami.
6Ɨvate ete pe oï vae güiä ou yave,
agüɨye erovia mbatee jese.
7Echa jeta ko mbaɨu pe oyembotavɨuka vae,
jare jókuae re güɨrovia jeko pegua opa oñemokañɨteiuka.
8Ikavi ko yayapo mborookuai yaporombotavɨ mbae reve;
kuimbae yarovia katu vae oechauka arakuaa ikavigüe vae.
Guata reta9Kia täta oguata vae, täta ko mbae oikuaa,
jare kia jeta mbae oikuaa oasagüe rupi vae oyapota mbae yarakuaa katu reve.
10Kia mbaetɨ maratu ratu oiko vae, michi yae ko mbae oikuaa;
ërei jókuae oguata oiko vae, täta ko yarakuaa katu.
11Aguataa rupi jeta ko mbae aecha,
jare má ko aikuaa chemiari vae güi.
12Amo yave amano seri,
ërei yasoropai mbae aikuaagüe rupi aasayepe ye.
Tumpa re yarovia vae13Tumpa omboete vae reta, oikoveta,
echa güɨrovia reta jókuae kia ipuereta güɨroasayepe vae re.
14Kia Tumpa omboete vae ngaraa etei mbae güi okɨɨye,
jare ngaraa oyemongɨɨyeuka, echa güɨrovia Tumpa re.
15¡Oyerovia katu ko Tumpa omboete vae!
Echa jae ko oikuaa kia re ko güɨrovia vae jare kia re ko oiko vae.
16Tumpa omae ko pea jae oaɨu vae reta re,
yeopiaka tätagüe vae rami jare yeokoka imbaepuere vae rami,
ñemika ɨvɨtu jaku vae pegua vae,
kuaraɨ arambɨte pe ma oï vae güi,
jare yeopiaka yemboavai reta güi
jare yemborɨ yepɨaka reta güi.
17Jae ko ombopɨakatu yandeve reta, tembipe tesa reta pegua,
jare yaiko kavi vae, tekove jare mborerekua.
Mbaemboete añetegüe Tumpa pegua18Mbota Tumpa pegua vae mbae jaekavimbae güi oñemee vae, ikɨagüe ko;
chupe mbaetɨ ipöra jekopochɨ vae reta omeegüe.
19Ɨvate ete pe oï vae ngaraa oipɨɨ mbota ikɨa vae reta güi;
yepeta jeta mɨmba oyeyuka chupe, ngaraa iñɨ̈ro chupe reta iyoa reta re.
20Mbae paravete vae reta güi ñañomigüe jare ñamee Tumpa pe yave
metei michia tu jovake yayuka rami ko.
21Paravete vae jekove jembíu mbovɨ michi güɨnoi vae reño ko;
kia opɨ̈ro chugüi vae, metei oporoyuka vae ko.
22Yanderapicha jembíu ñapɨ̈ro chugüi vae yayuka rami ko;
oparavɨkɨ vae pe yamboepɨmbae iparavɨkɨ vae yayuka rami ko.
23Kia mbae omopüa jare ïru vae omboai yave,
¿mbaeya ñamongana jaeño ma omee má mbaravɨkɨ?
24Amogüe toyerure jare ïru vae toyepopeyu,
¿kuae mókoi reta güi kia pe Tumpa oenduta?
25Kia opoko metei omano vae re, jare oyepoe, joko güi opoko ye jese,
¿mbaerä ya oë chupe oyepoe vae?
26Jökorai oasa amogüe oyekuaku karu güi iyoa jeko pegua vae,
ërei jaɨkue rupi ojo ye oyapo mbaeyoa.
¿Kia pa oenduta chupe iyerure?
¿Mbaerä ya oëta chupe oiporaragüe vae?
Who We AreWhat We EelieveWhat We Do
2025 by iamachristian.org,Inc All rights reserved.
