APOCALIPSIS 4 - Guarani Bible with DC

Mbaemboete ara pe

1Kuae jaɨkue rupi amae jare aecha metei öke oyepea oï ara pe. Jare ñee tenonde yave aendu mimbɨguasu iñee rami vae imiari cheve vae jei cheve: “Eyeupi kuae pe jare aechaukata ndeve mbaembae oasata kuae jaɨkue rupi vae.”

2Jare jupiveiño Espíritu Santo güɨnoi mbaepuere cheré; jare aecha metei tenda mborookuaía pegua oï ara pe, jare kia oguapɨ oï pɨpe.

3Joko pe oguapɨ oï vae ita ipöra yae vae reta jaspe jare cornalina jee vae rami oyekuaa. Jare jókuae tenda iyɨ́vɨri rupi oï yɨɨ ita ipöra yae vae esmeraldaEz 1.26-28; 10.1. rami vae.

4Jare jókuae tenda iyɨ́vɨri rupi oï ïru veinticuatro tenda reta. Jare jókuae tenda reta pe oguapɨ ñogüɨnoi veinticuatro tenondegua okuakuaa vae reta, jemimonde tïi vae jare iñäka re äka-regua oro pegua ndive.

5Jare jókuae tenda güi oë ama-vera,Ex 19.16; Ap 8.5; 11.19; 16.18. ararɨapu jare ñee reta. Jare jókuae tenda jóvai chiu mechero jendɨ ñogüɨnoi,Ez 1.13. jae ko Espíritu Santo chiu jembiapo güɨnoi vae.Zac 4.2; Ap 1.4.

6Jare jókuae tenda jóvai oï ɨguasu vidrioEz 1.22. rami vae. Jókuae tenda iyɨ́vɨri rupi oï irundɨ oikove vae reta, jeta jesa vae, jenonde jare jaɨkue kotɨ.

7Jare jókuae oikove vae tenondegua yaguapope rami. Jare mokoía toro taɨrusu vae rami. Jare mboapɨa kuimbae jova rami. Jare irundɨa güɨraké tuicha vae oveve vae rami. Ez 1.5-10; 10.14.

8Jare metei ñavo jókuae irundɨ oikove vae reta, güɨnoi ova ipepo, jare ipepo iárambo jare igüɨ rupi güɨnoi jeta jesa.Ez 1.18; 10.12. Jare ikueraiä jei reta ara rupi jare pɨ̈tu rupi:

“¡Iyoambae, iyoambae, iyoambae ko yandeYa

Tumpa ImbaepuereIs 6.2-3. yae ete vae,

jae ko iyɨpɨ güive, añave jare outa vae!”

9Jare jókuae oikove vae reta omboete, omee yasoropai jókuae tenda pe oguapɨ vae oiko jekuaekuae avei rupi vae pe yave,

10veinticuatro tenondegua okuakuaa vae reta oyetavatɨka omboete jókuae tenda pe oguapɨ vae jekuaekuae avei rupi oiko vae, jare oñono reta iñäka-regua jókuae tenda jóvai, jei reve:

11“OreYa, jupi ko oñemee vaerä ndeve yemboetea,

mbaemboete jare mbaepuere,

echa nde reyapo opaete mbaembae,

jare nderemimbota rupi opaete mbaembae oiko jare oyeapo.”